23/09/2026
🏠 قبل ما تشتري عقار… اقرأ العقد كأن فلوسك كلها فيه! ⚖️
من أكتر الأخطاء اللي بيقع فيها المشتري إنه يركز على سعر الوحدة ومقدم الحجز وينسى أهم حاجة: بنود العقد.
قبل ما تمضي، خد بالك من الآتي:
🔹 ميعاد التسليم: لازم يكون محدد بوضوح، مش مجرد كلام عام زي "وفقًا لجدول الشركة".
🔹 غرامة التأخير: شوف هل العقد بيديك حق في تعويض لو المطور اتأخر في التسليم، ولا بيدي المطور مهلة مفتوحة بدون مقابل.
🔹 فسخ العقد: راجع شروط فسخ العقد كويس، خصوصًا لو الشركة هي اللي أخلّت بالتزاماتها، وهل يحق لك استرداد المبالغ المدفوعة والتعويض.
🔹 مواصفات الوحدة: المساحة، التشطيب، الدور، الموقع، والجراج أو أي ملحقات لازم تكون محددة بوضوح في العقد.
🔹 التعديلات المنفردة: خد بالك من البنود اللي بتسمح للمطور بتغيير مواصفات أو موقع الوحدة أو المشروع بإرادته المنفردة.
🔹 المصاريف الإضافية: اسأل عن الصيانة، الجراج، الخدمات وأي مبالغ أخرى، وهل قيمتها محددة أم قابلة للزيادة دون ضوابط.
🔹 لا تعتمد على الوعود الشفوية: أي وعد مهم من موظف المبيعات لازم يكون مكتوبًا في العقد أو ملحقاته.
⚠️ وأهم نصيحة:
ما تمضيش عقد شراء عقار لمجرد إن "العرض هينتهي النهارده".
العقد اللي مش فاهم كل بند فيه… ما تمضيش عليه قبل ما تراجعه مع محاميك.
إسلام عبيد – المحامي ⚖️
