حسام إسماعيل بدر ــ محامٍ ومستشار قانوني, 132 شارع الهرم الرئيسي/أعلى بنك التمويل الكويتي/محافظة الجيزة (2026)

03/08/2026

تأسيس الشركات في مصر.
- ناس كتير عندها طموح الاستثمار الخاص وبتفكر كل يوم في تأسيس شركة تكون خاصة بيها، ولكن شايفة إنها خطوة صعبة أو مش عارفه إيه نوع الشركة اللي هتناسب نشاطها.
- في البوست دا هنوضح إن تأسيس الشركات دا موضوع سهل وبسيط، ومش بالصعوبة اللي الناس متخيلاها، وهنوضح ايه نوع الشركة اللي هتناسبك حسب نشاط حضرتك.
- وهنقسم الشركات لتلات أقسام:
القسم الأول: لو أنت عاوز تأسس شركة لوحدك بدون شريك فهنا قدامك حلين إما منشأة فردية ودي إجراءاتها سهلة وبسيطة، وإما شركة الشخص الواحد ودي برضو إجراءاتها سهلة وبسيطة لكن رسومها أعلى شوية وفيها مبلغ بيتحط في البنك أثناء التأسيس وبعد كدا بتسحبه تاني عادي.

القسم التاني: لو أنتوا اتنين بس وعاوزين تأسسوا شركة خاصة بيكم، أو عاوزين تأسسوا شركة نشاطها عادي زي الاستثمار العقاري أو المقاولات والعامة والتوريدات أو الشحن ........... إلخ فأنت الأنسب ليك تأسس شركة ذات مسئولية محدودة.

القسم التالت: ودا بقى لو أنتوا اكتر من اتنين وعاوزين تأسسوا شركة يكون نشاطها من الأنشطة الاستثمارية الضخمة زي الاستيراد والتصدير أو التعدين أو أعمال البنوك أو أعمال التأمينات ......... إلخ، فأنت كدا لازم تأسس شركة مساهمة، ودي بتبقى أصعب شوية ومكلفة حبتين ولكن زي ما قولنا دي للأنشطة الاستثمارية الضخمة فهيكون عادي بالنسبالك إنك تأسسها لأن نشاط حضرتك يستاهل تأسس عشانه شركة مساهمة.

ملحوظة: تاريخ تأسيس شركة حضرتك بيكون له أهمية كبيرة في التعامل مع الشركات الأخرى، لأن شركة لها خمس سنين في السوق، غير شركة لسه متأسسة الأسبوع اللي فات، فحضرتك كل ما سارعت في التأسيس كل ما زادت أهمية شركتك.
- المهم إنه مهما كان نشاطك ومهما كانت نوع الشركة اللي حضرتك عاوز تأسسها، فمكتبنا عنده القدرة والإمكانية ان يخلصلك كل إجراءات التأسيس في خلال أسبوع واحد، خلال أسبوع واحد بتكون مستلم عقد التأسيس والسجل التجاري والبطاقة الضريبية، حضرتك قرر وسيب التنفيذ علينا.

مكتب الأستاذ
حسام إسماعيل بدر
محامٍ ومستشار قانوني

22/07/2026

دعوى صحة التوقيع وقيمتها القانونية.
دعوى صحة التوقيع من أشهر الدعاوى وأكثرها تداولاً في المحاكم، وذلك لبساطتها وسهولة إجرائتها.
ولكن هل تحظى دعوى صحة التوقيع بهذه القيمة القانونية حقاً؟
أم أنها مجرد دعوى اعتاد الناس على إقامتها عند شراء عقار سواء كانت شقة أو منزل أو أرض؟
- من الناحية القانونية فإن دعوى صحة التوقيع لا تعدو أن تكون دعوى تحفظية الغرض منها القضاء بصحة توقيع البائع، دون النظر في مضمون العقد وما جاء به سواء كان صحيحاً أم لا، فضلاً عن أنها غير ناقلة للملكية، بعكس دعوى صحة التعاقد (صحة ونفاذ) التي يكون موضوعها النظر في صحة عقد البيع ومدى توافر أركانه ومدى أهلية أطرافه، وتكون الدعوى ناقلة للملكية.
ولكن هل معنى ذلك أن دعوى صحة التوقيع لا قيمة لها؟
بالطبع لا، فدعوى صحة التوقيع لها قيمة كبيرة في الواقع العملي، فمن ناحية وجود أحكام صحة توقيع على العقود يضفي بعض الطمأنينة لدى المشترين الجدد، لا سيما وإن كانت هذه الأحكام بتواريخ قديمة، فذلك معناه أن العقار محل البيع في وضع هادئ ومستقر إلى حد ما.
من ناحية أخرى تظهر أهمية دعوى صحة التوقيع في حال ظهر نزاع على العقار فيما بعد.
مثال ذلك قيام البائع ببيع العقار مرتين لشخصين مختلفين، فالأولوية كما هو معروف للمشتري الذي سجل عقده في الشهر العقاري، أما في حالة لم يسجل أياً منهما فالأولوية للحائز، وفي حالة لم يكن أياً منهما حائزاً للعقار، فالأولوية للمشتري الذي تحصل على حكم صحة توقيع على عقده، وفي حالة تحصل كلاهما على حكم بصحة التوقيع فالأولوية للمشتري الذي تحصل على الحكم أولاً مهما كانت تواريخ العقود.
- لذلك فإننا ننصح دائماً أي مشتري أن يسارع لإقامة دعوى صحة التوقيع ضماناً لحقه لا سيما وأنها سريعة في إجرائتها وغير مكلفة بعكس دعوى صحة التعاقد.
الأستاذ
حسام إسماعيل بدر
محامٍ ومستشار قانوني

19/07/2026

إيصال الأمانة بين العقوبة الجنائية والمطالبة المدنية.

ناس كتير بتسأل ايه اللي هيحصل لو إن الشخص اللي مضى ايصال الأمانة مات؟ وهل كدا إيصال الأمانة فقد قيمته؟
والحقيقة إنه أيوه إيصال الأمانة فعلاً فقد قيمته جنائياً ولكن تظل له قيمته المدنية.
يعني ايه الكلام دا؟ يعني لو حضرتك معاك ايصال على شخص، والشخص دا توفى فأنت كدا مش هتقدر ترفعه جنحة لأن الجنح والجنايات بتنقضي بوفاة المتهم، ولكن تقدر ترفعه أمر أداء ضد الورثة.

وهنا بتثور اشكالية أخرى وهي إن تحصيل قيمة إيصال الأمانة من الورثة بيكون في حدود التركة ولا يمتد إلى الذمم المالية للورثة، بمعنى ان حضرتك تقدر تحصل قيمة الإيصال من التركة اللي سابها المتوفى فقط لا غير، والورثة مش ملزمين إنهم يدفعوا من مالهم الخاص.

والإشكالية الحقيقية تكمن في معرفة التركة اللي سابها المتوفى عشان تقدر تحصل منها قيمة ايصال الأمانة، ودي بتكون من خلال الشهر العقاري لمعرفة العقارات المشهرة باسمه، أو حساباته البنكية لمعرفة مقدار ما تركه من أموال يجوز التنفيذ عليها استيفاءً لقيمة ايصال الأمانة.

حسام إسماعيل بدر
للمحاماة والاستشارات القانونية
01000959180

Address

132 شارع الهرم الرئيسي/أعلى بنك التمويل الكويتي/محافظة الجيزة

Telephone

+201026022598

Website

facebook.com

Alerts

Be the first to know and let us send you an email when حسام إسماعيل بدر ــ محامٍ ومستشار قانوني posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to حسام إسماعيل بدر ــ محامٍ ومستشار قانوني:

حسام إسماعيل بدر ــ محامٍ ومستشار قانوني