Sabirabad şəhər M.Ə.Sabir adına 1 nömrəli tam orta ümumtəhsil məktəbi

Sabirabad şəhər M.Ə.Sabir adına 1 nömrəli tam orta ümumtəhsil məktəbi Mil-Muğan RTİ-nin tabeliyində olan
ümumi təhsil müəssisəsi

M.Ə. Sabir adına 1 nömrəli tam orta ümumtəhsil məktəbində dahi söz ustadlarımızın yubileylərinə və zəngin irsinə həsr ol...
22/05/2026

M.Ə. Sabir adına 1 nömrəli tam orta ümumtəhsil məktəbində dahi söz ustadlarımızın yubileylərinə və zəngin irsinə həsr olunmuş tədbirlər keçirilib.
Məktəbimizin 3A və 4D sinif şagirdlərinin iştirakı ilə dahi şairlərimiz M.Ə. Sabirin 164 illik və Səməd Vurğunun 120 illik yubileyləri xüsusi coşğu ilə qeyd olunub. Keçirilən dərslərdə və tədbirdə Səməd Vurğunun həyat və yaradıcılığı geniş işıqlandırılıb, şagirdlərimiz şairin hər birimizin qəlbində taxt quran məşhur "Azərbaycan" şeirini böyük qürurla səsləndiriblər.
Eyni zamanda, şairlərin ölməz əsərlərindən parçalar oxunub, şagirdlərin hazırladıqları slaydlar nümayiş etdirilib, həmçinin əsərlər əsasında çəkilmiş tamaşa və filmlərdən maraqlı fraqmentlər izlənilib.
Gənc nəslə milli ədəbiyyatımızı sevdirən və bu gözəl işlərin ərsəyə gəlməsində əməyi olan müəllimlərimizə və fəal şagirdlərimizə təşəkkür edirik!

Məktəbimizdə 28 May - Müstəqillik Günü münasibətilə gənclərin milli ruhda yetişməsini və tariximizə olan bağlılığını nüm...
22/05/2026

Məktəbimizdə 28 May - Müstəqillik Günü münasibətilə gənclərin milli ruhda yetişməsini və tariximizə olan bağlılığını nümayiş etdirən genişmiqyaslı tədbir keçirildi. Şagirdlərimiz hazırladıqları vətənpərvərlik ruhundakı çıxışlar, şeirlər və bədii kompozisiyalarla müstəqilliyimizin əhəmiyyətini bir daha qürurla vurğuladılar. Eyni zamanda, bu əlamətdar günə həsr olunmuş təşkilati işlərdə, bilik və idman yarışlarında fərqlənən fəal gənclərimizin nailiyyətləri hər birimizi sevindirdi. Tarixi zəfərlərimizdən güc alan və parlaq gələcəyə doğru əzmlə addımlayan müstəqil Azərbaycanın gəncliyi ilə fəxr edirik! Müstəqillik Günümüz mübarək olsun!

Məktəbimizdə şagirdlərin sağlam gələcəyini təmin etmək və onları düzgün vərdişlərə yönəltmək məqsədilə "Zərərli vərdişlə...
22/05/2026

Məktəbimizdə şagirdlərin sağlam gələcəyini təmin etmək və onları düzgün vərdişlərə yönəltmək məqsədilə "Zərərli vərdişlərə yox deyək!" adlı maarifləndirici tədbir keçirildi. Görüş zamanı zərərli vərdişlərin insan orqanizminə, mənəviyyatına və sosial həyatına vurduğu ciddi zərərlər ətraflı şəkildə müzakirə olundu. Şagirdlərimiz sağlam həyat tərzinin əhəmiyyətini vurğulayan maraqlı çıxışlar etdilər və mövzuya aid hazırladıqları əl işlərini, yaradıcı nümunələri nümayiş etdirdilər. Gənclərimizi hər zaman sağlam, aktiv və elm dolu bir gələcəyə addımlamağa səsləyirik. Unutmayaq ki, hər bir sağlam seçim bizi parlaq gələcəyə daha da yaxınlaşdırır!

Mirzə Ələkbər Sabir adına Sabirabad rayonu 1 nömrəli tam orta məktəbi olaraq şagirdlərimizin inkişafını hər zaman di...
21/05/2026

Mirzə Ələkbər Sabir adına Sabirabad rayonu 1 nömrəli tam orta məktəbi olaraq şagirdlərimizin inkişafını hər zaman diqqətdə saxlayırıq. Bu məqsədlə gənclərimiz arasında hüquqi mədəniyyətin və rəqəmsal təhlükəsizlik biliklərinin artırılmasına xüsusi önəm veririk. Məktəbimizdə şagirdlərin həm öz hüquqlarını bilməsi, həm də internetdəki təhlükələrdən qorunması üçün maarifləndirmə işləri aparırıq. Onlara virtual məkanda şəxsi məlumatları qorumağı və kibergigiyena qaydalarını öyrədirik. Unutmayaq ki, hüquqi savadlılıq və rəqəmsal biliklər gənclərimizin ən güclü qalxanıdır. Məqsədimiz gələcəyimiz olan şagirdləri həm hüquqi cəhətdən şüurlu, həm də texnoloji mühitdə tam təhlükəsiz birer vətəndaş kimi yetişdirməkdir

Bəzən söz ən güclü silah ola bilər. Bunu xalqını sevən, onun gələcəyini düşünən böyük maarifçi şair M.Ə.Sabirin yaradıcı...
20/05/2026

Bəzən söz ən güclü silah ola bilər. Bunu xalqını sevən, onun gələcəyini düşünən böyük maarifçi şair M.Ə.Sabirin yaradıcılığında daha aydın görmək olar.O, sözləri ilə cəmiyyətin güzgüsünə çevrilərək həqiqətləri cəsarətlə göstərirdi.Onun qələmi yalnız yazmaq üçün deyil,insanları oyatmağa xidmət edirdi. Bu gün məktəbimizin azərbaycan dili ədəbiyyat müəllimi Əmirova Mirleyla tərəfindən 6c sinfində Sabirin 164-cü doğum gününə həsr olunmuş dərs keçirilmişdir.Dərs zamanı şagirdlərə Sabirin həyat və yaradıcılığı haqqında məlumat verilmiş,şeirlərindəki dərin mənalar açılmış və təhlil olunmuşdur.Xalqının yaddaşında daim yaşayan şairin xatirəsi hörmətlə anılır.

Tarixi və mədəni irsimizi daha yaxından tanımaq məqsədilə 2b sinif şagirdlərimizlə muzeyə ekskursiya təşkil olundu. Şagi...
18/05/2026

Tarixi və mədəni irsimizi daha yaxından tanımaq məqsədilə 2b sinif şagirdlərimizlə muzeyə ekskursiya təşkil olundu. Şagirdlərimiz maraqlı və yadda qalan anlar yaşayaraq həm öyrəndilər, həm də əyləndilər.

Məktəbimizin idmançıları zirvələri fəth etməyə davam edir! Heydər Əliyevin 103 illiyinə həsr olunmuş yarışlarda yüksək ə...
15/05/2026

Məktəbimizin idmançıları zirvələri fəth etməyə davam edir! Heydər Əliyevin 103 illiyinə həsr olunmuş yarışlarda yüksək əzm nümayiş etdirərək Qızıl Medala layiq görülən şagirdlərimizi qürurla təqdim edirik:
🥊 Kikboks üzrə Qızıl Medal:
• Həsənzadə Mehdi 5 A sinfi
• Bağırov Kamran 6 A sinfi
💪 Street Curl üzrə Qızıl Medal:
• Xalid Mehdiyev 9Ç sinfi
Bu möhtəşəm nailiyyət münasibətilə şagirdlərimizi ürəkdən təbrik edir, onlara gələcək yarışlarda daha böyük uğurlar arzulayırıq. Qələbəniz mübarək!

📚 3-CÜ SİNİFLƏRDƏ ARTİ MONİTORİNQİBu gün məktəbimizdə 3-cü sinif şagirdləri arasında Azərbaycan Respublikasının Təhsil İ...
14/05/2026

📚 3-CÜ SİNİFLƏRDƏ ARTİ MONİTORİNQİ

Bu gün məktəbimizdə 3-cü sinif şagirdləri arasında Azərbaycan Respublikasının Təhsil İnstitutu (ARTİ) tərəfindən hazırlanmış çərçivə sənədi əsasında oxuyub anlama üzrə monitorinq keçirildi.

🎯 Monitorinqin məqsədi — şagirdlərin oxu savadlılığı səviyyəsini müəyyən etmək, güclü və zəif tərəflərini aşkar edərək tədris prosesini daha da təkmilləşdirməkdir.

ARTİ-nin çərçivə sənədi şagirdlərin mətnlə işləmə bacarıqlarını — mətnin məzmununu başa düşmə, əsas fikri müəyyənləşdirmə, nəticə çıxarma və tənqidi düşüncə — müfəssəl şəkildə əhatə edir. Monitorinq bu standartlara uyğun olaraq hazırlanmış tapşırıqlar vasitəsilə həyata keçirildi.

📌 Sinif Səviyyəsi: 3-cü Siniflər
📌 Qiymətləndirmə Sahəsi: Oxuyub Anlama
📌 Sənəd Bazası: ARTİ Çərçivə Sənədi
📌 Tarix: 14 May 2026

Monitorinq nəticələri müəllimlərimizə hər bir şagirdin oxu bacarıqlarını daha yaxından izləmək, fərdi ehtiyaclara uyğun dəstək vermək və gələcək dərs planlamasını daha səmərəli qurmaq imkanı yaradacaq. Uşaqlarımızın inkişafına verdiyi töhfəyə görə ARTİ komandası ilə metodistlərə, direktor müavinimizə və bütün sinif müəllimlərimizə təşəkkürümüzü bildiririk! 🙏

Dövlət İmtahan Mərkəzinin 12 aprel tarixində keçirdiyi buraxılış imtahanında məktəbimizin şagirdləri möhtəşəm nəticələri...
13/05/2026

Dövlət İmtahan Mərkəzinin 12 aprel tarixində keçirdiyi buraxılış imtahanında məktəbimizin şagirdləri möhtəşəm nəticələri ilə hər birimizi sevindirmişdir. 12 şagirdimiz 200-dən yüksək bal toplayaraq böyük uğura imza atmışdır.
9a sinif şagirdi Davudova Xanımana 289,2 bal toplayaraq məktəb üzrə ən yüksək nəticəni toplamışdır.

Bu nailiyyət yalnız yüksək nəticə deyil, həm də zəhmətin, əzmkarlığın, məqsədə inamın və müəllim–şagird əməkdaşlığının ən gözəl nümunəsidir. Şagirdlərimizin göstərdiyi nəticələr məktəbimizin təhsil ənənəsinin və keyfiyyətinin bir daha sübutudur.

Əziz şagirdlərimiz, siz bizim qürur mənbəyimizsiniz! Hər birinizi ürəkdən təbrik edir, qarşıdakı imtahanlarda daha böyük zirvələr fəth etməyinizi arzulayırıq. Uğurlarınız daim olsun!

Məktəbimizin müəllimləri olan Davudova Fərqanə, Əkbərova Ruhəngiz, Mirzaxanova Aygün və Abbasova İnci müəllimlərin də övladları bu şagirdlərin sırasındadır. Onları da təbrik edir, uğurlar arzulayırıq.

4 c sinif şagirdləri sinif rəhbərləri Könül Cəfərovanın rəhbərliyi ilə Sabirabad Rayon Tarix və Diyarşünaslıq Muzeyinə m...
08/05/2026

4 c sinif şagirdləri sinif rəhbərləri Könül Cəfərovanın rəhbərliyi ilə Sabirabad Rayon Tarix və Diyarşünaslıq Muzeyinə maarifləndirici ekskursiyaya getmişlər. Şagirdlər muzeydə rayonun tarixi, milli-mədəni irsi və qədim eksponatlarla yaxından tanış olmuş, maraqlı məlumatlar əldə etmişlər. Ekskursiyanın məqsədi şagirdlərdə tarixə və milli dəyərlərə marağın artırılması olmuşdur.

Address

Sabirabad Rayon H. Əliyev Prospekti
Sabirabad
AZ5400

Opening Hours

Monday 08:00 - 18:00
Tuesday 08:00 - 18:00
Wednesday 08:00 - 18:00
Thursday 08:00 - 18:00
Friday 08:00 - 18:00

Telephone

+994998850054

Website

Alerts

Be the first to know and let us send you an email when Sabirabad şəhər M.Ə.Sabir adına 1 nömrəli tam orta ümumtəhsil məktəbi posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Sabirabad şəhər M.Ə.Sabir adına 1 nömrəli tam orta ümumtəhsil məktəbi:

Shortcuts

Share

Category