16/02/2025
15 fevral 2025-ci il tarixində Nizami Rayon Məhkəməsində DİA Tələbə Gənclər Təşkilatının nəzdində fəaliyyət göstərən "Hüquq" klubu və Azərbaycan Respublikası Vəkillər Kollegiyası “Yusif Allahverdiyev və Partnyorları” vəkil bürosunun birgə təşkilatçılığı ilə III Hüquqi Debat Müsabiqəsi keçirilib.
İştirak edən komandalar yarımfinal mərhələsində “Hərbi xidmətin qadınlar üçün könüllü olması bərabərlik hüququnu pozurmu? (təsdiq və inkar)”, final mərhələsində isə “Süni intellektin törətdiyi cinayət əməlinə görə onun mülkiyyətçisi məsuliyyət daşımalıdırmı? (təsdiq və inkar)” mövzularını müzakirə etmişlər.
Belə ki, yarımfinal mərhələsinin I turunda “Lex Situs” və “Lex Defenders” komandaları, II turunda isə “Justitia” və “İnferno” komandaları finala vəsiqə qazanmaq uğrunda mübarizə aparmışlar.
Daha sonra müvafiq olaraq, “Lex Situs” və “Justitia” komandaları qalib gələrək final mərhələsində iştirak etmişlər.
Nəticədə, olduqca rəqabətli keçən final mərhələsində qalib gələn komanda 172 xalla “Lex Situs” komandası olmuşdur.
Beləliklə, I yerin sahibləri ADA Universitetinin "Lex Situs" komandası tələbələri Aydan Mehdiyeva və Aytac Şahmarova, II yerin sahibləri Dövlət İdarəçilik Akademiyasının "Justitia" komandası tələbələri Əntiqə Məmmədli və Nərgiz Cəfərova olmuşdur. III və IV yerin sahibləri isə Bakı Dövlət Universitetinin "Lex Defenders" və "İnferno" komandaları olub.
Sonda qalib gələn komandalara mükafat və diplomlar təqdim edilib.
&PARTNERSvekilburosu
#
