https://www.facebook.com/103016844628190/

Vəkil Cəmilə Ağayeva, Bakı şəhəri, Xətai rayonu, 8 Noyabr pr-ti, Azure Business Center, 11/68, AZ1025, Baku (2026)

Q: What is the address?

Bakı şəhəri, Xətai Rayonu, 8 Noyabr Pr-ti, Azure Business Center, 11/68, AZ1025

11/05/2023

Cinayət mühakimə icraatı üzrə kassasiya şikayətində aşağıdakılar öz əksini tapmalıdır:

✅ kassasiya şikayətinin ünvanlandığı kassasiya instansiyası məhkəməsinin adı;

✅ kassasiya şikayətini verən şəxsin adı və statusu;

✅ hökm və ya qərarı çıxarmış məhkəmənin adı;

✅ hökmün və ya qərarın tarixi, qısa məzmunu və kassasiya şikayətini verən şəxsin mülahizəsinə görə, onun qanunsuzluğunun, əsassızlılığının və ya ədalətsizliyinin nədən ibarət olması;

✅ kassasiya şikayətini verən şəxsin xahişi;

✅ kassasiya şikayətinə əlavə edilən sənədlərin siyahısı.

✅ Hökmün dəyişdirilməsinin və ya ləğv edilməsinin zəruriliyi əsaslandırıldıqda kassasiya şikayətində işin müvafiq vərəqlərinə istinad edilməlidir. Bu tələb həbsdə saxlanılan məhkuma və yetkinlik yaşına çatmamış şəxsə şamil edilmir.

31/03/2022

Əmək Məcəlləsinin 117-ci maddəsinə əsasən, əsas və əlavə məzuniyyətlərin müddətindən asılı olmayaraq, 14 yaşınadək iki uşağı olan qadınlara 2 təqvim günü, bu yaşda üç və daha çox uşağı olan, həmçinin sağlamlıq imkanları məhdud uşağı olan qadınlara isə 5 təqvim günü müddətində əlavə məzuniyyət verilir.

Uşaqlarını təkbaşına böyüdən ataların, həmçinin uşaqları övladlığa götürmüş şəxslərin bu maddənin birinci hissəsində nəzərdə tutulan əlavə məzuniyyət hüququ vardır.

Bu maddə ilə müəyyən edilmiş əlavə məzuniyyət hüququ müvafiq təqvim ilinin sonunadək uşaqlardan birinin 14 yaşı tamam olduğu hallarda da saxlanılır.

Bu maddə ilə müəyyən edilmiş əlavə məzuniyyətlər bu Məcəllənin 118, 119, 120 və 121-ci maddələrində göstərilən işçilərə verilmir.

18/03/2022

Arvad vəfat etmiş ərin pensiyasını hansı halda ala bilər?

Arvad pensiya yaşına çatıbsa, vəfat etmiş ərinin də pensiyasını ala bilər. Və yaxud 1-ci və 2-ci dərəcə əlilliyi olmalıdır. Qadının əri dünyasını dəyişibsə, öz pensiyası ilə ərinin pensiyası arasında seçim edə bilər. Ərinin pensiyası yüksəkdirsə, onu ala bilər.

Eyni zamanda ailə başçısını itirməyə görə övladlar da vərəsə kimi pensiya ala bilər. Bunun üçün övladlar 18 yaşına çatmamış olmalı və ya 23 yaşına kimi əyani təhsil dövrü olmalı, yaxud da övladın əlilliyi olmalıdır.

11/03/2022

Bakıda məktəbli qız bullinqə məruz qalıb: "Ayrı-seçkilik edirlər, qəsdən dərslərdən kənarlaşdırırlar" - İDDİA

08/03/2022

8 Mart - Beynəlxalq Qadınlar Günü münasibəti ilə bütün qadınları təbrik edirəm. Bayramınız mübarək!

01/03/2022

Əmək Məcəlləsinin 77-ci maddəsinin 7-ci bəndinə əsasən, əmək müqaviləsinə bu Məcəllənin 68-ci maddəsinin ikinci hissəsinin «c», 74-cü maddəsinin birinci hissəsinin «a» və «c» bəndləri ilə xitam verildikdə, işəgötürən işçiyə orta aylıq əmək haqqının azı iki misli miqdarında müavinət ödəyir. İşçinin vəfatı ilə əlaqədar əmək müqaviləsinə xitam verildikdə isə vəfat edənin vərəsələrinə orta aylıq əmək haqqının azı üç misli miqdarında müavinət ödənilir. Əmək müqaviləsinə bu Məcəllənin 68-ci maddəsinin ikinci hissəsinin "ç" bəndi ilə xitam verildikdə, işəgötürən işçiyə orta aylıq əmək haqqının azı üç misli miqdarında müavinət ödəyir.

Misal: Büdcə təşkilatında əmək müqaviləsi əsasında çalışan və əməkhaqqı 700 manat olan, 5 günlük iş rejimi üzrə işləyən işçi 01.09.2021-ci il tarixində vəfat edir. Bu halda vəfat etmiş işçiyə hansı məbləğ verilməlidur?

Bu halda hesablamalar belə aparılmalıdır:
İyul ayı üçün əməkhaqqı - 700 manat;
Avqust ayı üçün əməkhaqqı – 700 manat;
İşçinin orta aylıq əməkhaqqı - 2199.78 manat olacaq:

700 x 2 = 1400 manat;
1400 : 42 = 33,33 manat;
33,33 x 22 = 733,26 manat;
733,26 x 3 = 2199,78 manat.

Burada 42 gün iyul (20 gün) və avqust ayı üzrə (22 gün) iş günlərinin cəmidir. 22 gün işçinin vəfat etdiyi sentyabr ayındakı iş günündən, 3 isə Əmək Məcəlləsinə əsasən, vəfat edənin vərəsələrinə veriləcək müavinətdən ibarətdir.

23/02/2022

Bəzən vətəndaşlar fəaliyyətin müvəqqəti dayandırılması və ya fəaliyyətə xitam verilməsi anlayışlarını qarışdırırlar. Lakin bu anlayışları mütləq fərqləndirmək lazımdır, çünki nəticələri fərqlidir.

Fəaliyyəti müvəqqəti dayandırmaq o deməkdir ki, bir müddət, məsələn, 3 ay, 5 ay və s. sizin fəaliyyətiniz olmayacaq. Fəaliyyətini müvəqqəti dayandırmaq istəyən vergi ödəyicisi "Vergi ödəyicisinin, onun filialının, nümayəndəliyinin və ya digər təsərrüfat subyektinin (obyektinin) fəaliyyətinin və digər vergi tutulan əməliyyatlarının dayandırılması haqqında arayış" təqdim etməlidir.

Arayışda sahibkarlıq fəaliyyətinin və ya digər vergi tutulan əməliyyatların dayandırılmasının müddəti göstərilməlidir. Qeyd olunan müddət bitdikdə fəaliyyətin dayandırılması barədə yenidən müraciət edilmədikdə isə fəaliyyətin dayandırılması haqqında müraciətdə göstərilən son tarixdən sonrakı gündən etibarən vergi ödəyicisinin fəaliyyəti aktivləşir və müvafiq bəyannamələrin vergi orqanına təqdim olunması üzrə öhdəlik yaranır.

Fəaliyyətə xitam vermək və vergi uçotundan çıxmaq üçün isə vergi ödəyicisi uçotda olduğu vergi orqanına "Fiziki şəxsin vergi uçotundan çıxarılması haqqında ərizə" və vergi şəhadətnaməsi vergi orqanından təhvil götürüldüyü halda onun əsli təqdim edilməlidir. Vergi şəhadətnaməsi itirildikdə isə vergi ödəyicisi tərəfindən yazılı məlumat əlavə olaraq təqdim edilməlidir.

Vergi orqanı tərəfindən fiziki şəxs vergi uçotundan çıxarıldıqda ona verilmiş VÖEN vergi ödəyicilərinin uçot məlumat bazasında ləğv edilmiş kimi arxivləşdirilir və ona "Vergi ödəyicisinin uçotdan çıxarılması haqqında bildiriş" göndərilir.

15/02/2022

Şenqen vizalarının, həmçinin ABŞ və Böyük Britaniyaya vizaların alınmasının müvəffəqiyyətliyi sənədlərin düzgün rəsmiləşdirilməsindən asılıdır.

Peşəkar Vəkil Cəmilə Ağayeva sizə ABŞ-a vizanın alınması üçün bütün lazım olan sənədləri toplamaqda kömək edəcək. Səfirliklərin və Konsulluqların qaydaları tez-tez dəyişir və buna görə də vəkilin köməyi sizin işinizi xeyli asanlaşdıra bilər.

Bundan başqa, Nyu-York ştatında və Boston şəhərində sizə hüquqi yardımın göstərilməsi üçün peşəkar vəkillə təmin olunmanıza da dəstək göstəriləcək.

Əlaqə: +994506717407

14/02/2022

Azərbaycan Respublikasının Əmək Məcəlləsinin 16-cı maddəsinə əsasən, qadınlara əmək münasibətlərində güzəştlərin, imtiyazların və əlavə təminatların müəyyən edilməsi ayrı-seçkilik hesab edilmir.

Əmək qanunvericiliyinə əsasən, əmək müqaviləsi bağlanarkən hamilə və üç yaşına çatmamış uşağı olan qadınlara sınaq müddəti tətbiq edilmir.

Qısaldılmış iş vaxtının müddəti həftə ərzində hamilə və yaşyarımadək uşağı olan qadınlar və 3 yaşınadək uşağını təkbaşına böyüdən valideynlər üçün 36 saatdan artıq olmamalıdır.

Gecə vaxtı görülən işlərə hamilə və üç yaşınadək uşağı olan qadınların cəlb edilməsinə yol verilmir.

Əsas və əlavə məzuniyyətlərin müddətindən asılı olmayaraq, 14 yaşınadək iki uşağı olan qadınlara 2 təqvim günü, bu yaşda üç və daha çox uşağı olan, həmçinin sağlamlıq imkanları məhdud uşağı olan qadınlara isə 5 təqvim günü müddətində əlavə məzuniyyət verilir. Bu əlavə məzuniyyət hüququ müvafiq təqvim ilinin sonunadək uşaqlardan birinin 14 yaşı tamam olduğu hallarda da saxlanılır.

14 yaşınadək iki və daha çox uşağı olan və ya sağlamlıq imkanları məhdud uşağı olan qadınlara,16 yaşınadək uşaqları təkbaşına böyüdən valideyə və ya qəyyuma, hərbi qulluqçunun arvadına (ərinə) əmək məzuniyyəti onların arzusu ilə onlar üçün əlverişli olan vaxtda verilə bilər.

Həmçinin hamilə və ya 3 yaşına çatmamış uşağın olması səbəbinə görə qadınla əmək müqaviləsinin bağlanmasından imtina etmək yolverilməzdir. Təbii ki, işəgötürənin müvafiq işi olmadıqda və ya qadın əməyinin tətbiqinin qadağan olduğu sahədə işəgötürməkdən imtina edə bilər. İşəgötürən hamilə və ya 3 yaşına çatmamış uşağı olan qadınla əmək müqaviləsi bağlamaqdan imtina etdikdə qadın imtinanın səbəbi barədə işəgötürəndən yazılı cavab verilməsini tələb etmək hüququna malikdir.

10/02/2022

Subroqasiya hüququ bir növ tələb hüququnun ötürülməsidir.

Belə ki, zərər çəkmiş şəxsin ziyan vuran tərəf qarşısında ona dəyən zərər məbləğində tələb hüququ vardır.

Sığortaçı zərəçəkmişə dəyən zərərin məbləğini ödədikdən sonra ziyan vuran şəxs qarşısındakı tələb hüququ avtomatik olaraq sığortaçıya keçir. Subroqasiya hüququ Azərbaycan Respublikasının Mülki Məcəlləsi və "İcbari sığortalar haqqında" Azərbaycan Respublikasının Qanunu ilə tənzimlənir.

08/02/2022

Sığorta hüquq mübahisələri zamanı məhkəməyə iddiaların hazırlanması və məhkəmədə iddiaların qaldırılması qanunvericiliyə uyğun olaraq və tərəflərin maraqlarını qoruyaraq peşəkar hüquqşünaslar tərəfindən həyata keçirilir.

Sığorta hüquqpozmalarından məhkəmədə müdafiə hüququ tərəflər arasında mübahisələrin həlli danışıqlar yolu ilə tənzimlənmədikdə həyata keçirilir. Aydındır ki, bir çox hallarda zərər vuran tərəf öz öhdəliklərini yerinə yetirməkdən boyun qaçırmağa çalışır.

Bunu kompensasiya, subroqasiya ödənişlərinin ödənilməməsi və ya başqa məcburi göstərişlərin yerinə yetirilməməsi fonunda müşahidə etmək olar. Sığorta hüquqpozmaları zamanı iddia müddətlərinin gözlənilməsi, o cümlədən sənədlərin yazılı qaydada təqdim edilib-edilməməsi böyük əhəmiyyət kəsb edir.

Bu kimi prosesual qaydaların gözlənilməməsi şikayətinizin məhkəmə tərəfindən əsassız hesab olunmasına və iddianızın təmin edilməməsinə gətirib çıxara bilər. Qanunda da göstərildiyi kimi mübahisələr, tərəflər arasında danışıqlar yolu ilə tənzimlənməsi mümkün olmadıqda, səlahiyyətli orqanlar tərəfindən, o cümlədən məhkəmə qaydasında həll edilir. Eləcə də qanunun tələblərinin pozulmasına görə hüquqi və fiziki şəxslər qanunla müəyyən edilmiş məsuliyyəti daşıyırlar.

Sığorta nədir?

Sığortanın anlayışı “Sığorta fəaliyyəti haqqında” Qanunda belə təsbit edilmişdir: “Sığorta-sığortalının və ya sığorta olunanın əmlakı, həyatı, sağlamlığı, mülki məsuliyyəti, həmçinin qanunla qadağan olunmayan fəaliyyəti, o cümlədən sahibkarlıq fəaliyyəti ilə əlaqədar olan əmlak mənafelərinin müdafiəsi sahəsində riskin ötürülməsinə və ya bölüşdürülməsinə əsaslanan münasibətlər sistemidir”.

Sığorta Mülki Məcəllə, Sığorta fəaliyyəti haqqında Qanun, İcbari Sığortalar haqqında Qanun və digər normativ hüquqi aktlarla tənzimlənir. Sığorta fəaliyyəti könüllü və icbari formalarda sığortaçılar tərəfindən həyata keçirilir.

İcbari və könüllü sığorta

İcbari və ya könüllü sığorta müqaviləsini yalnız müvafiq sığorta növünü aparmağa müvafiq icra hakimiyyətindən icazəsi olan sığortaçı bağlaya bilər. İcbari sığorta növləri fiziki və hüquqi şəxslərin əmlaklarına dəyən zərərin əvəzinin ödənilməsini təmin etmək məqsədi ilə tətbiq edilir. İcbari sığortanın təmin edilməsi üçün sığortaçı ilə sığortalı arasında icbari sığorta müqaviləsi bağlanır.

İcbari sığorta qanunla, könüllü sığorta isə müqavilədən irəli gələn şərtlərlə tənzimlənir. Sığortalıya müvafiq icbari sığorta şəhadətnaməsi təqdim edilir. Sığortaçılar həyat sığortası və ya qeyri-həyat sığortası sahələrindən yalnız biri üzrə fəaliyyət göstərə bilərlər.

Sığorta müqaviləsi

Sığorta müqaviləsi bağlanması üçün sığortalı müqavilə bağlamaq niyyəti barəsində sığortaçıya yazılı təklif verir, yaxud bu niyyətini şifahi bildirir. Sığorta müqaviləsinin bağlanması faktı sığorta qaydaları əlavə edilməklə, sığortalıya verilən sığorta şəhadətnaməsi ilə təsdiq edilir.

Sığorta müqaviləsində sığortaçının və sığortalının adı, ünvanı, sığorta obyekti və onun olduğu yer, sığorta riskləri, sığorta məbləği və ödənişin verilmə qaydası, müqavilənin qüvvədə olma müddəti, müqavilə üzrə sığorta münasibətlərinin digər iştirakçıları varsa, onlar barədə məlumat (sığorta olunan, fayda götürən, lazım gəldikdə sığorta agent və brokerləri), müqavilənin dəyişdirilməsi və ona xitam verilməsi qaydası göstərilməlidir. Tərəflərin istəyi ilə başqa şərtlərdə qeyd edilə bilər.

Müqavilə ilə və ya qanunla başqa hal nəzərdə tutulmamışdırsa, sığorta müqaviləsi sığortalının ilk sığorta haqqını ödədiyi gün saat 24-00-da qüvvəyə minir və sığorta hadisəsi baş verdiyinə görə sığorta məbləğinin tam verildiyi andan qüvvədən düşür.

Sığorta brokeri

Sığorta brokeri dedikdə sığorta müqaviləsində sığortalını təmsil edən, sığortaçının seçilməsi zamanı bitərəf və müstəqil mövqe tutaraq sığorta müqaviləsinin imzalanması üçün hazırlıq işlərini həyata keçirən və lazım olarsa, bu müqavilənin həyata keçirilməsinə köməklik göstərən hüquqi şəxs (broker təşkilatı) və ya hüquqi şəxs yaratmadan sahibkarlıq fəaliyyəti ilə məşğul olan fiziki şəxs başa düşülür.

Təkrar sığorta brokeri təkrar sığorta üzrə sığortaçı ilə təkrar sığortaçı arasında vasitəçilik fəaliyyəti həyata keçirən brokerdir.

Broker təşkilatları Azərbaycan Respublikasında fəaliyyət göstərmək üçün qanunvericiliklə nəzərdə tutulmuş qaydada xüsusi razılıq almalı, müvafiq icra hakimiyyəti orqanı tərəfindən müəyyən edilmiş miqdarda və qaydada öz məsuliyyətini sığortalamalıdırlar.

31/01/2022

Azərbaycan Respublikası Konstitusiyasının 75-ci maddəsində hər bir vətəndaşın Azərbaycan Respublikasının dövlət rəmzlərinə - bayrağına, gerbinə və himninə hörmət etməsi ilə bağlı normalar təsbit olunub. Həmçinin, dövlət rəmzlərinə hörmətsizliyin nümayiş etdirilməsi qanunla müəyyən edilmiş məsuliyyətə səbəb olur.

Azərbaycan Respublikası Cinayət Məcəlləsinin 324-cü maddəsinə əsasən Azərbaycan Respublikasının Dövlət bayrağı və ya Azərbaycan Respublikasının Dövlət gerbi barədə təhqiredici hərəkətlər iki ilədək müddətə azadlığın məhdudlaşdırılması və ya bir ilədək müddətə azadlıqdan məhrum etmə ilə cəzalandırılır.

Vəkil Cəmilə Ağayeva

11/05/2023

31/03/2022

18/03/2022

11/03/2022

08/03/2022

01/03/2022

23/02/2022

15/02/2022

14/02/2022

10/02/2022

08/02/2022

31/01/2022

Address

Telephone

Website

Alerts

Shortcuts

Share

Category