04/04/2025
Projektligj "Për disa shtesa dhe ndryshime në Ligjin 79/2021 “Për të Huajt”
Në kuadër të përafrimit me Direktivat e BE-së dhe procesit të integrimit europian, pritet të hyjnë në fuqi ndryshime të reja ligjore që synojnë përmirësimin e politikave migratore në Shqipëri. Këto ndryshime do të lehtësojnë më tej procedurat dhe kriteret për të huajt që aplikojnë për leje qëndrimi apo leje unike, duke e bërë procesin më të thjeshtë dhe më efikas.
Po ju njohim me disa prej ndryshimeve kryesore:
- Shtetasit e BE-s dhe familjarët e tyre do të përjashtohen nga detyrimi për pajisje me leje unike dhe leje qëndrimi duke u lehtësuar qëndrimin dhe punësimin në Shqipëri vetëm përmes një certifikate regjistrimi në zyrën e gjendjes civile pranë vendbanimit të tyre duke përfituar statusin "banor i përkohshëm" në Republikën e Shqipërisë.
Ndërsa anëtarët e familjes së një shtetasi të BE-së, të cilët nuk janë shtetas të një vendi anëtar, mund të pajisen me një kartë qëndrimi me vlefshmëri prej 5 vitesh, duke lehtësuar procedurat e tyre të qëndrimit në Shqipëri.
- Kërkuesit shkecorë, që mbulohen nga programet e BE-s, me pajisjen e Lejes së Qëndrimit përveç aktiviteteve kërkimore, do të kenë mundësinë të japin mësim në Institucionet Arsimore në përputhje me legjislacionin shqiptar.
- Shfuqizimi i kategorisë "Leje Unike si Investitorë": Leja e mëparshme Unike për Investitorët do të jetë tashmë Leje Qëndrimi pasi nuk do të kërkojë miratim nga AKPA.
- Në momentin e punësimit dhe deklarimit të punëmarrësit të huaj nga Punëdhënësi, automatikisht nga Sistemi Tatimor, do t'i njoftohet edhe Drejtorisë së Migracionit dhe AKPA-s.
- Punëdhënësit që punësojnë një të huaj në RSH janë të detyruar të ruajnë të paktën për kohëzgjatjen e punësimit, kopjet ose regjistrat mbi respektimin e të drejtave të punëmarrësve të huaj që burojnë nga Kodi i Punës.
- Afati procedural i shqyrtimit të kërkesës dhe lëshimit të Lejes Unike dhe të Qëndrimit do të shkurtohet deri në 4 javë.
