https://www.facebook.com/366462796549342/

Dubai Real Estate by Zaw Ye, Dubai (2026)

27/07/2024

ဒီနေ့မှာတော့ Dubai real estate ရဲ့ Return On Investment (ROI) အပေါ်သက်ရောက်တဲ့အချက်၅ချက်ကိုဖော်ပြပေးသွားမှာပါ။
ROI ဆိုတာဘာလဲဆိုရင်တော့ မိမိရင်းနှီးမြှုပ်နှံလိုက်တဲ့ အရာပေါ်မှာပြန်ရတဲ့ အကျိုးအမြတ်ကိုဆိုလိုတာဖြစ်ပါတယ်။
လွယ်လွယ်မှတ်ရရင်တော့ ROI %များလေ အမြတ်များလေ ပါပဲ။ အချက်အလက်တွေကိုလေ့လာကြည့်ရအောင်

✓ Investment strategy
Dubai real estate market မှာ invest လုပ်တဲ့ပုံစံတွေအမျိုးမျိုးရှိပါတယ်။
◦ Buy-and-hold
ဒါကတော့ဝယ်ထားပြီးစျေးတက်တဲ့အချိန်ထိ အကြာကြီးကိုင်ထားတဲ့သဘောပါ။မြန်မာကလူတွေတော်တော်များများလုပ်ကြတဲ့ပုံစံပါပဲ။ သူကတော့စျေးကွက်အပေါ်မူတည်ပြီး ROI%ကွာခြားနိုင်ပါတယ်။
◦ Buy-to-rent(Rentals)
ဒါကတော့အခန်း သို့မဟုတ် အိမ် ကိုဝယ်ပြီးပြန်ငှါးတာပဲဖြစ်ပါတယ်။ သူကတော့ ရေရှည်အတွက် ပုံမှန်ဝင်ငွေတစ်ခုရနေနိုင်တဲ့ပုံစံပါ။ ROI အနေနဲ့ကတော့ တစ်နှစ်ကို 5%-10% လောက် ပုံမှန်ရနေနိုင်ပါတယ်။ ဥပမာအားဖြင့် မိတ်ဆွေက 1 million dollars တန်တဲ့အိမ်ကိုဝယ်ပြီးပြန်ငှါးမယ်ဆိုရင် တစ်နှစ်အတွင်း $50000ကနေ $100000ကြားပြန်လည်ရရှိနိုင်ပါတယ်။
◦ Flipping and Resale
ဒါကတော့ ဝယ်ပြီးတာနဲ့ အကြာကြီးကိုင်ထားတာမဟုတ်ပဲ စျေးတက်တာနဲ့ ချက်ချင်းပြန်ရောင်းထုတ်တဲ့ပုံစံပါ။ သူကတော့ စျေးကွက်အခြေအနေနဲ့ နေရာပေါ်မူတည်ပြီး ROI 15%ကနေ 50% အထိရနိုင်ပါတယ်။ ဒါပေမယ့်မကျွမ်းကျင်ပဲလုပ်ရင် ရှုံးနိုင်ခြေရာခိုင်နှုန်းရှိပါတယ်။

✓ Location

ဒုတိယအချက်ကတော့နေရာအနေအထားပဲဖြစ်ပါတယ်။နေရာကောင်းရင်ကောင်းသလိုစျေးရနိုင်ပါတယ်။ ဒူဘိုင်းမှာဆိုရင် မိသားစုနားအေးပါးအေးနေလို့ရတဲ့နေရာတွေ မြို့လယ်မဟုတ်တဲ့နေရာတွေမှာဆိုရင် ၂၀၂၄ ပထမ ၄လပတ် အတွက် အမြင့်ဆုံးရရှိခဲ့တဲ့နှုန်းတွေကတော့
◦ Apartments
Dubai silicon Oasis >9.3%
Jumeirah village circle(JVC)>8.5%
Dubai production city>8.3%
◦ Villas
JVC>7.2%
DAMAC Hills>6.9%
Dubailand >6.3%
ဒီလို ROI အချိုးအစားအထိပြန်ရခဲ့ပါတယ်။

✓ Size of property

Property အကြီးအသေးပေါ်မူတည်ပြီးတော့လည်း အကျိုးအမြတ်ကွာတာရှိပါတယ်။ ဒူဘိုင်းမှာတော့ တစ်ချို့နေရာတွေမှာ project အသေးတွေမှာရင်းနှီးမြှုပ်နှံတာက ပိုပြီးအကျိုးအမြတ်ပိုရနိုင်တာရှ်ပါတယ်။ Project သေးတဲ့အတွက် ရင်းနီးမြှုပ်နှံရတဲ့ပမာဏကလည်း သေးပါတယ်။ အဲ့တော့ အမြတ်ကိုရာခိုင်နှုန်းနဲ့တွက်ရင် project အသေးတွေကပိုရတာကိုတွေ့ရပါတယ်။ နေရာအတူတူမှာ studio room(only one room) နဲ့ 3 bedroom apartment ကို ယှဉ်ပြီးရင်းနှီးမြှုပ်နှံမှုလုပ်ရင် Studio room ရဲ့ ROI က 3 bedroom apartment ထက် 1%-1.5% လောက် အမြတ်ပိုရတာတွေ့ရပါမယ်။ ဥပမာအားဖြင့် Dubai Hills Estate နေရာမှာဆိုရင်
Studio room>7.9%
3 bedroom>6.7%
ဒီလိုမျိုးအမြတ်ကွာတာတွေ့ရပါတယ်။ အဲ့တော့ မိမိရင်းနှီးမြှုပ်နှံတဲ့ project ရဲ့ အရွယ်အစားကလည်း အကျိုးအမြတ်ပေါ်ကွာဟမှုရှိပါတယ်။

✓ Developer

ဒူဘိုင်းမှာ ရင်းနှီးမြှုပ်နှံတော့မယ်ဆိုရင် မိမိရွေးချယ်တဲ့နေရာ အဆောက်အအုံဟာ ဘယ် company ကဆောက်လုပ်တာလဲ ဆိုတာကလည်း မိမိရဲ့ အကျိုးအမြတ်အပေါ်သက်ရောက်မှုရှိပါတယ်။ ဆောက်လုပ်တဲ့ Company ရဲ့ Background သူ့ရဲ့ နာမည် သူ့ရဲ့ ဂုဏ်သတင်း ယုံကြည်ရမှု စတာတွေကလည်း စျေးနှုန်းအပေါ်သက်ရောက်မှုရှိပါတယ်။ ဒူဘိုင်းရဲ့ နာမည်ကျော် Developer တွေကတော့ DAMAC, Azizi, EMAAR, Sobha Realty, Ellington စတဲ့ Developer တွေကတော့ ယုံကြည်ရသလို ဂုဏ်သတင်းကောင်းတဲ့ Developer တွေပဲဖြစ်ပါတယ်။ နေရ အတူတူမှာ ပုံစံအတူတူဆိုရင်တောင် Developer ကြောင့် ရတဲ့အကျိုးအမြတ်က ကွာခြားမှုရှိနိုင်ပါတယ်။

✓ Post-handover payment plan

Dubai မှာ Property ဝယ်တယ်ဆိုရင် အရစ်ကျနဲ့ဝယ်လို့ရပါတယ်။ Off-plan လ်ု့ခေါ်တဲ့ဆောက်လက်စ အဆောက်အအုံတွေမှာ ရင်းနှီးမြှုပ်နှံမယ်ဆိုရင် company တွေက ပေးတဲ့ offer တွေကပိုကောင်းပါတယ်။ အဲ့လို Offer တွေ ကွာဟမှုကလည်း မိမိရဲ့ ROI အပေါ်သက်ရောက်မှုရှိစေပါတယ်။ ဥပမာအားဖြင့် တစ်ချို့သော Developer တွေက
ဆောက်လုပ်နေဆဲကာလအတွင်းမှာ ၆၀%ပေးသွင်းရပြီးအခန်းအပ်ပြီးတဲ့နောက် ကျန်တဲ့ ၄၀%ကို ၃နှစ်ကာလ အတွင်းပေးလို့ရပါတယ်။ ကုန်ကျစရိတ်အားလုံးကို တစ်စုတည်းပေးစရာမလိုပါဘူး။ ပြီးတော့ ဆောက်လုပ်ဆဲကာလအတွင်းမှာဝယ်ရင် စျေးပိုသက်သာပါတယ်။ ဆောက်လုပ်ဆဲကာလမှာ မိမိက AED 1 million(Dollar 3သိန်းကျော်ခန့်)တန်တဲ့အိမ်ကို ဝယ်ပြီး ဆောက်လုပ်ပြီးစီးတဲ့အခါပြန်ရောင်းရင် AED 1.3 million (Dollar 4သိန်းကျော်ခန့်)ပြန်ရနိုင်ပါတယ်။ ပုံမှန်တစ်စုတည်းငွေပေးချေပြီး AED 1 million တန်အခန်းကိုဝယ်ပြီးပြန်ငှါးတာထက် post-handover plan နဲ့ဝယ် ၆၀%ရာခိုင်နှုန်းသွင်းပြီး ဆောက်ပြီးတဲ့အချိန်ပြန်ငှါး တဲ့ပုံစံက မိမိအိပ်ထဲက AED 1 million တန်အခန်းကို AED 6သိန်းပဲပေးဝယ်ရပြီး ကျန်တဲ့ ပိုက်ဆံကိုအခန်းငှါးခကနေပေးလို့ရတဲ့အတွက် ပိုက်ဆံစိုက်ထုတ်ရမှု နည်းသွားပြီး ROI% များများပြန်ရစေတတ်ပါတယ်။

အထက်ပါအချက်အလက်တွေကတော့ ဒူဘိုင်း အိမ်ခြံမြေလုပ်ငန်းမှာ ရင်းနှီးမြှုပ်နှံတဲ့အခါ မိမိရတဲ့အကျိုးအမြတ်က ဘယ်အချက်တွေပေါ်မူတည်ပြီး ကွာခြားသွားနိုင်လဲဆိုတာကို ပြောပြပေးထားတာပါပဲဖြစ်ပါတယ်။ နောက်ရက်တွေမှာလည်း ဒူဘိုင်းအိမ်ခြံမြေနဲ့ပတ်သတ်ပြီးသိသင့်တာတွေဆက်လက်မျှဝေပေးသွားမှာဖြစ်လို့ ဖတ်ရှူပေးကြပါအုံး။ အဆုံးထိဖတ်ရှုပေးတဲ့အတွက် ကျေးဇူးတင်ပါတယ်။

21/07/2024

ဒီနေ့တော့ UAE နိုင်ငံထဲမှာ ရှိတဲ့ Real Estate Developer တွေထဲကမှ လူသိများထင်ရှားတဲ့ Developer တွေအကြောင်းကို ဖော်ပြသွားပေးမှာပါ။ပုံတွေကိုထောက်ပြီးတော့လည်း ဖတ်လို့ရပါတယ်။

◦ EMAAR Properties
EMAAR Properties ကတော့ ဒူဘိုင်းမှာ အကြီးဆုံးနဲ့ နာမည်အကြီးဆုံးလုပ်ငန်းစုပဲဖြစ်ပါတယ်။ နာမည်ကျော် project တွေကတော့ Burj Khalifa(the tallest building in the world), Dubai Mall(One of the largest shopping malls), Dubai Marina(Major waterfront development)အစရှိတာတွေပဲဖြစ်ပါတယ်။

◦ Nakheel
Nakheel ကတော့သူ့ရဲ့ ဧရိယာအကြီးကြီးတွေဆောက်တတ်တဲ့ ပုံစံကြောင့်လူသိများပါတယ်။ နာမည်ကျော် project တွေကတော့ Palm Jumeirah(Palm tree ပုံစံလူလုပ်ကျွန်း) Deira Island, The World Island အစရှိတာတွေပဲဖြစ်ပါတယ်။

◦ Dubai Properties
Dubai Properties ကတော့ လူနေတိုက်ခန်းတွေ စီးပွါးရေးဆိုင်ရာ အဆောက်အုံတွေဆောက်တဲ့နေရာမှာနာမည်ကျော်ပါတယ်။ ဥပမာ Jumeirah Beach Resident(JBR), Business Bay(စီးပွါးရေးလုပ်ငန်းများစုဝေးရာနေရာ) အစရှိတာတွေပဲဖြစ်ပါတယ်။

◦ Sobha Group
Sobha ကတော့ သူ့ရဲ့ luxury ဆန်တဲ့ high-quality လူနေတိုက်ခန်းတွေနဲ့ စီးပွါးရေးအဆောက်အအုံတွေကြောင့်ထင်ရှားပါတယ်။ ဥပမာ Sobha hartland , Sobha Residence(High-end residential tower) စတာတွေပဲဖြစ်ပါတယ်။

◦ Meraas
Merras ကတော့ တစ်မူထူးခြားတဲ့ မြို့ပြပုံစံတွေဆောက်ရာမှာနာမည်ကျော်ပါပဲ။ ဥပမာ City Walk( shopping and dining), Bluewaters Island (the world’s largest Ferris wheel) စတာတွေပဲဖြစ်ပါတယ်။

◦ DAMAC PROPERTIES
DAMAC Properties ကလည်း နာမည်အကြီးဆုံးတွေထဲက တစ်ခုပဲဖြစ်ပါတယ်။ သူ့ရဲ့ project တွေကတော့ DAMAC Hills (Luxury villas and apartments) AKOYA Oxygen (eco-friendly residential) စတာတွေပဲဖြစ်ပါတယ်။

◦ Azizi. Development
Azizi development ကတော့ သူ့ရဲ့ ထူးခြားတဲ့စတိုင်တွေ အများနဲ့မတူတဲ့ design တွေ ကြောင့်ထင်ရှားပါတယ်။ နာမည်ကျော် project တွေကတော့ Azizi Riviera(with wide blue lagoon), Azizi Venice(ရေပေါ်မြို့လို့တင်စားလို့ရတဲ့ ရေထဲမှာဆောက်ထားတဲ့မြို့) အစရှိတဲ့ project တွေပဲဖြစ်ပါတယ်။

◦ Ellington Properties
Ellington ကတော့ အရမ်းကို luxury ဆန်တဲ့ သူ့ရဲ့ project တွေကြောင့် နာမည်ကြီးပါတယ်။ The Ellington(luxury resident), The Sterling (luxury apartments with rooftop pool) စတာတွေပဲဖြစ်ပါတယ်။ Ellington ရဲ့ ဆန်းပြားတဲ့ design တွေက ဒူဘိုင်းရဲ့ Real Estate Industry ကိုတောင် သက်ရောက်မှူဖြစ်စေပါတယ်။

အခုဖော်ပြခဲ့တာတွေကတော့ UAE အထူးသဖြင့် ဒူဘိုင်းမြို့ ထဲမှာရှိတဲ့ နာမည်ကျော် Real Estate Developer တွေအကြောင်းပဲဖြစ်ပါတယ်။နောက်ရက်တွေမှာလည်း တစ်ခြားသော ဒူဘိုင်းအိမ်ခြံမြေနဲ့ပတ်သတ်တဲ့ အကြောင်းအရာတွေဖော်ပြသွားပေးမှာမို့လို့ဆက်လက်အားပေးကြပါအုံး။ အဆုံးထိဖတ်ရှူပေးတဲ့အတွက် ကျေးဇူးအထူးတင်ပါတယ်။

18/07/2024

လူတွေဘာကြောင့် ဒူဘိုင်းအိမ်ခြံမြေစျေးကွက်မှာရင်ူနှီးမြှုပ်နှံကြသလဲ?

ကျွန်တော်ဒီနေ့ပြောပြပေးချင်တဲ့အကြောင်းအရာကတော့ ဒူဘိုင်းအိမ်ခြံမြေစျေးကွက်မှာ ဘာကြောင့်ရင်းနှီးမြှုပ်နှံသင့်သလဲဆိုတဲ့အကြောင်းအရာပဲဖြစ်ပါတယ်။ ဒူဘိုင်းမှာ ရင်းနှီးမြှုပ်နှံတဲ့အခါ ပေးရတဲ့ကုန်ကျစရိတ်ထပ် ပြန်ရတဲ့အကျိုးအမြတ်က ပိုပြီးတွက်ချေကိုက်လို့ ရင်းနှီးမြှုပ်နှံကြတာပဲဖြစ်ပါပဲ။ တစ်ခြားသောနိုင်ငံတွေမှာလည်း invest လုပ်လို့ရတယ်ဆိုပေမယ့် ဘာကြောင့်ဒူဘိုင်းကို ပိုပြီးရွေးချယ်သင့်လဲဆိုတာကို အချက်တွေနဲ့ဖော်ပြပေးသွားပါ့မယ်။

◦ စီးပွါးရေးဖွံ့ဖြိုးတိုးတက်မှုနဲ့ တည်ငြိမ်မှု

နိုင်ငံတစ်နိုင်ငံ ဖွံ့ဖြိုးတိုးတက်ဖို့ဆိုတာ သူ့ရဲ့ နိုင်ငံရေး စီးပွါးရေးက တည်ငြိမ်နေဖို့လိုပါတယ်။ ဒူဘိုင်းရဲ့ စီးပွါးရေးနဲ့ နိုင်ငံရေးအခြေအနေတွေက အများအားဖြင့် တည်ငြိမ်ပါတယ်။ ရေနံတစ်ခုတည်းအပေါ်မှာပဲ အခြေပြုထားတာမဟုတ်ပဲ ငွေးကြေးဆိုင်ရာလုပ်ငန်းတွေ ကမ္ဘာလှည့်ခရီးသွားဝန်ဆောင်မှုလုပ်ငန်းတွေ ဟိုတယ်နဲ့စားသောက်ဆိုင်လုပ်ငန်းတွေ ကုန်သွယ်ရေး အိမ်ခြံမြေရင်းနှီးမြှုပ်နှံမှုလုပ်ငန်းတွေပေါ်မှာပါ အခြေုပြုထားတာကြောင့် ဒူဘိုင်းရဲ့စီးပွါးရေးအခြေအနေက ဘက်ပေါင်းစုံကနေ ထောက် ကန်ထားတာကြောင့် တည်ငြိမ်မှုရှိပါတယ်။ ဒါ့အပြင် ရေရှည်စီမံကိန်းတွေအဖြစ် ၂၀၃၀ခုနှစ်မှာ အိမ်ခြံမြေလောက ကို ပိုပြီးတိုးတက်လာအောင် ဆောင်ရွက်မယ့် Vision 2030 ဆိုတာမျိုးတွေလည်းရှိပါသေးတယ်။

◦ အခွန်နည်းပါးခြင်း

ရှေ့က post တွေမှာပြောခဲ့သလိုပဲ ပိုင်ဆိုင်မှု property တစ်ခုခု ရောင်းမယ်ဝယ်မယ်ဆို Tax ပေးစရာမလိုတဲ့အချက်ကလည်း ဒူဘိုင်းမှာရင်းနှီးမြှုပ်နှံမှုလုပ်ဖို့ ထည့်သွင်းစဉ်းစားရမဲ့အချက်ပါပဲ။ နောက်တစ်ချက်အနေနဲ့ ဒူဘိုင်း အိမ်ခြံမြေနဲ့ပတ်သတ်ရင် တစ်ခြားကုန်ကျစရိတ်တွေဖြစ်တဲ့ မှတ်ပုံတင်ကြေးတွေ တရားဝင်လုပ်ငန်းအဆင့်တွေမှာလည်း ကုန်ကျစရိတ်က တစ်ခြားသော လုပ်ငန်းတွေနဲ့ယှဉ်ရင် ပိုပြီးနည်းပါးပါတယ်။

◦ အကျိုူအမြတ်ရာခိုင်နှုန်းပိုရခြင်း

ဒူဘိုင်းမှာ အိမ်တွေ တိုက်ခန်းတွေဝယ်ရာမှာ Buy to Rent လို့ခေါ်တဲ့ ပြန်ငှါးဖို့အတွက် ဝယ်တဲ့ ပုံစံတစ်ခုရှိပါတယ်။ အဲ့တာကတော့ apartment တွေ ဝယ်ကြတာများပါတယ်။ ဒူဘိုင်းမှာက နိုင်ငံစုံက အလုပ်သမားတွေ သိန်းနဲ့ချီပြီးလာနေတာဖြစ်လို့ apartment တွေဝယ်ပြီးပြန်ငှါးတာကလည်း တော်တော်တွက်ခြေကိုက်ပါတယ်။ ဒူဘိုင်းမှာရောက်နေပြီး ဝင်ငွေအဆင်ပြေတဲ့ မြန်မာတွေတော်တော်များများလုပ်ကြပါတယ်။(ဒီအကြောင်းကိုသီးသန့်ရေးပေးပါ့မယ်)အခန်းဝယ်တာက ကုန်ကျစရိတ် အရမ်းမများပေမယ့်ပြန်ရတဲ့အကျိုးအမြတ်ကတော့ မက်လောက်စရာပါပဲ။

◦ ဥပဒေအကာအကွယ်

ဒူဘိုင်းကသတ်မှတ် ဧရိယာတွေအတွင်းမှာဆို နိုင်ငံခြားသားကို ၁၀၀%ပိုင်ဆိုင်မှုပေးပါတယ်။ နိုင်ငံခြားရင်းနှီးမြှုပ်နှံသူတွေကို ဆိုရင်အခွင့်အလမ်းတွေပိုပေးပါတယ်။ ဥပဒေကြောင်းအရလည်း ပိုင်ရှင်တွေ ရင်းနှီးမြှုပ်နှံသူတွေကို အကာအကွယ်ပေးထားပါတယ်။ ပိုင်ဆိုင်မှု ဥပဒေ ငှါးရမ်းမှုဥပဒေ ရောင်းဝယ်ရေးဥပဒေစတာတွေနဲ့ အကာအကွယ်ပေးထားပါတယ်

◦ ကမ္ဘာလှည့်ခရီးသွားဆွဲဆောင်မှု

ဒူဘိုင်းဟာဆိုရင် ကမ္ဘာလှည့်ခရီးသွားတွေ အမြဲမပြတ်လာနေတဲ့ အဓိက နေရာတစ်ခုဖြစ်ပါတယ်။ နှစ်စဉ်နှစ်တိုင်းသန်းနဲ့ချီတဲ့ ခရီးသွားတွေ ဝင်ရောက်နေတာပါ။ ခရီးသွားရာသီဖြစ်တဲ့ High-season အစ September လောက်ကစပြီး ခရီးသွားတွေအများအပြားဝင်ရောက်လာကြမှာပါ။ တစ်ချို့ခရီးသွားတွေက hotel မှာတည်းကြသလို တစ်ချို့ကလည်း ၁လ ၂လ စသဖြင့် တိုက်ခန်းတွေငှါးပြီးနေတတ်ကြပါတယ်။ အဲ့လိုအချိန်တွေမှာ စျေးကွက်လိုအပ်ချက်အရ ကိုယ်ဝယ်ထားတဲ့အခန်းတွေငှါးမယ်ဆိုးင် ပိုပြီးအမြတ်အစွန်းတွေရရှိနိုင်ပါတယ်။

◦ မြို့ပြဖွဲ့စည်းတည်ဆောက်ပုံ

မြို့ပြဖွဲ့စည်းတည်ဆောက်မှုပုံစံအရ ဒူဘိုင်းမှာ ကမ္ဘာ့အဆင့်မှီဆိုတာထပ်ပိုကောင်းတဲ့နေရာတစ်ခုဖြစ်ပါတယ်၊ တည်ဆောက်ဆဲ တည်ဆောက်လတ္တံသော အခြေခံစီးပွါးရေး စီမံကိန်းတွေ ဥပမာအားဖြင့် transportation network တွေ အိမ်ယာစီမံကိန်းတွေ public service တွေ စသဖြင့် ဒူဘိုင်းရဲ့ အခြေခံလိုအပ်ချက်တွေကို မြှင့်တင်လာတာနဲ့အမျှ ဒူဘိုင်း အိမ်ခြံမြေစျေးကွက်ကလည်း ပိုမိုတိုးတက်လာမှာပါ။

◦ လူနေမှုပုံစံ

ဒူဘိုင်းရဲ့လူနေမှုပုံစံကတော့ အထူးရှင်းပြစရာမလိုအောင် မိတ်ဆွေတို့သိထားပြီးဖြစ်မှာပါ။ luxury ဆိုတာကိုမှ သူ့ထက်ငါ ပိုကောင်းတဲ့ luxury lifestyle တွေ အပြိုင်အဆိုင် ယှဉ်ကြတဲ့နေရာတစ်ခုဖြစ်တဲ့အတွက် ဘဝရဲ့အခမ်းနားဆုံးအခိုက်အတန့်တွေကိုလည်း ပိုင်ဆိုင်နိုင်ပါတယ်။ တစ်မြို့လုံးကို အပေါ်ကနေမြင်ရတဲ့ view တွေ ကိုယ်ပိုင်ရေကူးကန်နဲ့ တိတ်ဆိတ်ငြိမ်သက်စွာနေလို့ရတဲ့နေရာတွေ အိမ်ပတ်လည်မှာ ကြည်လင်နေတဲ့ရေတွေစီးနေတဲ့ လူလုပ်ချောင်းတွေရှိတာ ကမ္ဘာ့ နံပါတ် ၁အဆင့်ရှိတဲ့ ပစ္စည်းတွေ သုံးထားတာ ကန္တာရထဲမှာပေမယ့် ဗင်းနစ် မြို့ကိုရောက်နေသလို တစ်နေရာနဲ့တစ်နေရာကို လှေနဲ့သွားရတာတွေက ဒူဘိုင်းမှာပဲ ရနိုင်တဲ့ lifestyles တွေဖြစ်ပါတယ်။

◦ တီထွင်ဆန်းသစ်မှုနဲ့ အနာဂတ်စီမံကိန်းများ

UAE အစိုးရအနေနဲ့ Smart City project တွေ Technologies တွေမှာရင်းနှီးမြှုပ်နှံနေတာဖြစ်တဲ့အတွက် နောက်ပိုင်းကာလတွေမှာ ဒူဘိုင်းဟာ ကမ္ဘာ့ထိပ်တန်းမြို့တွေကိုရှေ့ဆုံးကနေ ဦးဆောင်နိုင်တဲ့အလားအလာတွေပိုများလာတော့မှာပါ။

◦ လုံခြုံရေး

ညသန်းခေါင် တစ်ယောက်တည်းလျှောက်သွားနေလို့လည်း ဘာအန္တာရယ်မှမရှိတဲ့နေရာ လူတွေလမ်းကူးနေရင် ကားတွေရပ်ပေးတဲ့နေရာ နေရာတိုင်းမှာ CCTV တွေနဲ့ စောင့်ကြည့်နေတဲ့နေရာ မဟုတ်တာလုပ်လို့မရတဲ့နေရာ အရက်မူးပြီး လမ်းဘေးမှာ အိပ်နေလို့မရတဲ့နေရာ အဲ့တာ ဒူဘိုင်းမှာပါပဲ။

အခုကတော့ ဘာကြောင့်ဒူဘိုင်းမှာ လာရောက်ပြီးရင်းနှီးမြှုပ်နှံသင့်သလဲဆိုတာကို အကြမ်းဖျင်း ဖော်ပြပေးထားတာဖြစ်ပါတယ်။ မိတ်ဆွေတို့အနေနဲ့ စောစောလာရောက် မြှုပ်နှံလေ အကျိုးအမြတ်များများကို စောစောရလေပဲဖြစ်ပါတယ်။ အခုကတော့ ဒီလောက်ပါပဲ နောက်ရက်တွေမှာလည်း ဒူဘိုင်းမြို့ရဲ့အိမ်ခြံမြေနဲ့ပတ်သတ်လို့ သိသင့်တာတွေကို ဆက်လက်ဖော်ပြပေးသွားမှာမလို့ ဆက်လက်အားပေးကြဖို့ မေတ္တာရပ်ခံပါတယ်။ အဆုံးထိဖတ်ရှုပေးလို့ကျေးဇူးတင်ပါတယ်။

14/07/2024

ဒီနေ့မှာတော့ဆက်လက်ကျန်ရှိနေတဲ့ ဒူဘိုင်းရဲ့ မြို့နယ်တွေအကြောင်း အပိုင်း (၂) ဖြစ်ပါတယ်...

7. Business bay ✔️
Business bay အပိုင်းမှာတော့ နာမည်နဲ့လိုက်အောင် စီးပွါးရေးလုပ်ငန်းအများစုတည်ရှိပါတယ်။ ပြီးတော့ မိုးမျှော်တိုက်အမြင့်ကြီးတွေအများအပြားရှိတာကြောင့်လည်း ထင်ရှားပါတယ်။

8. Al Barsha ✔️
သူဟာလည်း စီးပွါးရေးလုပ်ငန်းတွေနဲ့ အိမ်ယာတွေရှိတာကြောင့်ထင်ရှားပါတယ်။

9. Dubai silicon oasis ✔️
သူကတော့ နည်းပညာcompanyတွေ ရှိတာကြောင့် နာမည်ကျော်ပါတယ်။ Trading company တွေ Google တိုလို့ company တွေလည်းရှိပါတယ်။ ပြီးတော့သူက free zone ပါ။ free zone အကြောင်းနောက်မှသေချာရှင်းပြပါ့မယ်။

10. Jumeirah village circle( JVC)✔️
သူကလည်း နာမည်ကျော် အိမ်ရာတွေရှိပါတယ်။ ရွေးချယ်စရာ တိုက်ခန်းတွေ အိမ်ရာတွေအများအပြားတည်ရှိပါတယ်။ High-end တွေMiddle classတွေ အစရှိတဲ့ ရွေးချယ်စရာတွေရှိပါတယ်။

11. Dubai Sports City ✔️
သူကလည်းနာမည်အတိုင်းပဲ အားကစား ဘက်ကိုအလေးပေးတည်ဆောက်ထားတဲ့နေရာပဲဖြစ်ပါတယ်။ ပြိုင်ကားကွင်းတွေ အားကစားရုံကြီးတွေ အားကစားလေ့ကျင့်ရေးသင်တန်းကျောင်းတွေများစွာတည်ရှိပါတယ်။

အခုကျွန်တော်ပြောခဲ့တာတွေကတော့ ဒူဘိုင်းရဲ့ နာမည်ကျော်ထင်ရှားတဲ့ နယ်မြေ အပိုင်းတွေပဲဖြစ်ပါတယ်။ မိတ်ဆွေတို့အနေနဲ့ ဒူဘိုင်းမှာရင်းနှီးမြှုပ်နှံမှုပြုလုပ်တော့ဖို့အတွက်ဆိုရင် ဒီအချက်တွေကို သိရှိထားရင်တော့ ပိုပြီးအကျိုးရှိမယ်လို့ ယုံကြည်ပါတယ်ဗျ။ နောက်အပိုင်းတွေမှာလည်း ဒူဘိုင်း အိမ်ခြံမြေနဲ့ပတ်သတ်လို့ သိသင့်တာတွေ ဗဟုသုတတွေကိုထပ်မံမျှဝေပေးသွားမှာပဲဖြစ်ပါတယ်။ ဖတ်ရှုပေးတဲ့အတွက် ကျေးဇူးတင်ရှိပါတယ်။

13/07/2024

Basic knowledge of Dubai Real Estate 🇦🇪

12/07/2024

ဒူဘိုင်းအိမ်ခြံမြေအကြောင်းသိကောင်းစရာများ
(Part 2)
ကျွန်တော်ဒီနေ့ပြောပြသွားမှာကတော့ Dubai မြို့ရဲ့ မြို့နယ်တွေအကြောင်းပဲဖြစ်ပါတယ်။ ဒူဘိုင်းမြို့ကြီးက ကြီးမားတာဖြစ်တာကြောင့် မြို့နယ်တွေ အပိုင်းတွေခွဲထားပါတယ်။အဲ့ထဲကမှ လူသိများပြီး စည်းကားတဲ့နေရာတွေကို ပြောပြပေးသွားမှာပါ။

◦ ၁. Downtown Dubai
Downtown Dubai ဟာဆိုရင်တော့ Dubai ရဲ့အစည်းကားဆုံးနေရာလ်ို့ပြောလို့ရပါတယ်။ရန်ကုန်မှာဆိုရင်တော့ ဆူးလေတို့ လှည်းတန်းတို့လိုနေရာမျိုးပါပဲ။ ကမ္ဘာ့အမြင့်ဆုံးအဆောက်အဦးဖြစ်တဲ့ Burj Khalifa, ကမ္ဘာ့အကြီးဆုံး shopping mall တွေထဲက တစ်ခုအပါအဝင်ဖြစ်တဲ့ Dubai mall အစရှိတဲ့landmark တွေက downtown Dubai မှာရှိတာပါ။

◦ ၂. Dubai Marina
Dubai Marina ကတော့ မိတ်ဆွေတို့ video တွေထဲမှာမြင်ဖူးနေကြဖြစ်တဲ့ မိုးမျှော်တိုက်ကြီးတွေ အများအပြားရှိတာ luxury yacht ကြီးတွေ ဆိပ်ကမ်းမှာကပ်ထားတဲ့နေရာပဲဖြစ်ပါတယ်။ နာမည်ကျော် Marina Walk, JBR Beach အစရှိတာတွေအပြင် ဖျော်ဖြေးရေး ပေါင်းစုံရှိတဲ့နေရာဖြစ်ပါတယ်။ သူ့ရဲ့ nightlife ကလည်း နာမည်ကျော်ပါပဲ

◦ ၃. Jumeirah
Jumeirah မှာဆိုရင်တော့ Dubai ရဲ့ နောက် iconic တစ်ခုဖြစ်တဲ့ Burj Al Arab လို့ခေါ်တဲ့ ရွက်လှေပုံစံ hotel ကြီးရှိပါတယ်။ ဒီ hotel ကိုတော့ 7star hotel လို့လည်း လူသိများကြပါတယ်။ Jumeirah beach, Wild Wadi water park စတဲ့ ထင်ရှားတဲ့နေရာတွေလည်းရှိပါတယ်။

◦ ၄. Palm Jumeirah
Dubai ရဲ့ Palm tree ပုံစံ လူလုပ်ကျွန်း ၂ခုထဲက တစ်ခုဖြစ်တဲ့ Palm Jumeirah island ဟာဆိုရင်တော့ သူ့ရဲ့ နာမည်ကျော် Atlantic the Palm hotelကြောင့်နာမည်ကျော်ပါတယ်။ Hollywood, Bollywood ဇာတ်ကားတွေတော်တော်များများလည်းရိုက်ကြပါတယ်။ Palm Jumeirah မှာ luxury resident တွေလည်းတည်ရှိပါတယ်။

◦ ၅. Deira
Deira ဟာဆိုရင်တော့ Dubai ရဲ့ ခေတ်ဟောင်းမြို့နယ်တွေထဲက တစ်ခုဖြစ်ပါတယ်။ Deira မှာဆိုရင် Old Dubai ရဲ့အငွေ့အသက်ဖြစ်တဲ့ ရှေးဟောင်းစျေးတန်း ကိုတွေ့နိုင်ပါတယ်။

◦ ၆. Bur Dubai
Bur Dubai ကတော့ Deira district နဲ့ နီးပါတယ်။ သူကတော့ သမိုင်းမှတ်တမ်းဝင်အဆောက်အအုံတွေကြောင့်ကျော်ကြားပါတယ်။ The Dubai museum, Al Fahidi Historical neighborhood, The Grand Mosque စတဲ့ သမိုင်းဝင် အဆောက်အအုံတွေတည်ရှိပါတယ်။

ဒီနေ့ကတော့ ဒူဘိုင်းရဲ့ မြို့နယ်တွေထဲက ၆ခုကိုဖော်ပြခဲ့တာဖြစ်ပြီး ကျန်ရှိနေသေးတဲ့ မြို့နယ်တွေကိုတော့ နောက်တစ်ပိုင်းမှာဆက်လက်ဖော်ပြပေးသွားဖြစ်တာကြောင့် ကြည့်ရှူအားပေးကြပါအုံးဗျ။ အကုန်လုံးကို ကျေးဇူးတင်ရှိပါတယ်ဗျ။

09/07/2024

ဒူဘိုင်းအိမ်ခြံမြေအကြောင်းသိကောင်းစရာများ (အပိုင်း-၁)

ကျွန်တော် ဒီနေ့ sharing လုပ်ပေးချင်တဲ့ အကြောင်းအရာလေးကတော့ Dubai မှာ real estate လောကထဲဝင်တော့မယ်ဆိုရင် သို့မဟုတ် အိမ်ဝယ်တော့မယ်ဆိုရင် သိထားသင့်တဲ့အကြောင်းအရာတွေကို ပြောပြသွားမှာပါ။

ပထမဆုံးအနေနဲ့ ဒူဘိုင်းလို့ပြောလိုက်ရင် လူတိုင်းက အင်ဂျင်သံပြင်းပြင်းနဲ့ ပြိုင်ကားအကောင်းစားတွေ ဇိမ်ခံကားကြီးတွေ မိုးမျှော်တိုက်ကြီးတွေ အရမ်းလှတဲ့ကမ်းခြေတွေ shopping center အကြီးကြီးတွေကိုအရင်မြင်ကြမှာပါ။ တစ်ကယ့်လက်တွေ့မှာလည်း အဲ့လိုပါပဲ။ Middle East မှာဆိုရင် လူတိုင်းသိကြတာ ဒူဘိုင်းပါ။ Dubai မှာ စီးပွါးရေးလုပ်လို့ကောင်းတယ် စားသောက်ဆိုင်ဖွင့်မလား?shopping mall ဖွင့်မလား? ရင်းနှီးမြှုပ်နှံမှုလုပ်မလား? အကုန်လုပ်လို့ရပါတယ်။ ဒါကြောင့် Western Countries ကလူတွေ Europe ကလူတွေက လုပ်ငန်းချဲ့ထွင်ချင်ရင် ဒူဘိုင်းကို စဉ်းစားကြပါတယ်။ ဒူဘိုင်းက Middle East ရဲ့ စီးပွါးရေးအချက်အခြာလို့တောင်ပြောလို့ရပါတယ်။ ကျွန်တော်ကတော့ တစ်ခြားစီးပွါးရေးလုပ်ငန်းတွေထပ် ဒူဘိုင်းအိမ်ခြံမြေလောကအကြောင်းကို သိသလောက်မျှဝေပေးသွားမှာဖြစ်ပါတယ်။Dubai မှာ ပိုင်ဆိုင်မှုတစ်ခုခုဝယ်မယ်ဆိုရင် Agent တွေ services အပ်တာတွေ လုပ်လို့ရပေမယ့် တစ်ချို့အချက်တွေ ကိုယ်တိုင်သိထားရင်တော့ ပိုကောင်းပါတယ်။

◦ ပထမအချက်အနေနဲ့ကတော့ ဒူဘိုင်းမှာ အိမ်ခြံမြေ ဝယ်တာ ရင်းနှီးမြှုပ်နှံတာတစ်ခုခုလုပ်တော့မယ်ဆို ဒီက rules and laws တွေကို အခြေခံလောက်တော့ သိထားရင် ပိုကောင်းပါတယ်။
◦ နောက်တစ်ချက်ကတော့ Dubai မှာ Property ဝယ်လိုက်ပြီဆိုရင် residential permit ပါရပါတယ်။ တစ်ခါတည်း အဆင်သင့်နေလို့ရပါတယ်။
◦ နောက်တစ်ချက်ကတော့ Dubai က တစ်ခြားနိုင်ငံတွေနဲ့မတူပဲ property(ပိုင်ဆိုင်မှု) တစ်ခုခုအရောင်းအဝယ်လုပ်ရတာ လွယ်ကူပြီး မြန်ဆန်ပါတယ်။ မဆုံးနိုင်တဲ့စာရွက်စာတမ်းတွေ
ဖြည့်နေစရာမလိုပါဘူး။ payment process တွေလည်းမြန်ဆန်ပါတယ်။
◦ နောက်ဆုံး အချက်ကတော့ ရင်းနှီးမြှုပ်နှံသူ
တိုင်းကြိုက်ကြတဲ့ အချက်ကတော့ property တစ်ခုခု အရောင်းအဝယ်လုပ်ရင် Government tax ပေးစရာမလိုတဲ့အချက်ပါပဲ။ ဒါကတော့လူတိုင်းသဘောကျကြမယ်ထင်ပါတယ်။ ဒူဘိုင်း အစိုးရက သူတို့မြို့ ကို ရင်းနှီးမြှုပ်နှံမှုတွေ အများအပြား ဝင်ရောက်လာအောင် ဒီနည်းလမ်းတွေနဲ့ ဖိတ်ခေါ်ထားတာပါ။
ဆက်လက်ပြီးတော့လည်း Dubai real estate နဲ့ ပတ်သတ်လို့ သိသင့်တာတွေကို ဆက်လက်ဖော်ပြပေးသွားမှာပါ။
အဆုံးထိဖတ်ရှုပေးလို့ကျေးဇူးတင်ပါတယ်။

09/07/2024

UAE နိုင်ငံ Dubai မြို့ နဲ့ အခြားသောမြို့များရဲ့ အိမ်ခြံမြေစျေးကွက်
အခြေအနေများ ၊ အချက်အချာကျသောနေရာများ ၊ law များအကြောင်းကို
ကျွန်တော်သိသလောက် knowledge sharing လုပ်ပေးသွားမှာဖြစ်ပါတယ်..

Dubai Real Estate by Zaw Ye

27/07/2024

21/07/2024

18/07/2024

14/07/2024

13/07/2024

12/07/2024

09/07/2024

09/07/2024

Address

Telephone

Website

Alerts

Contact The Practice

Shortcuts

Share

Category