https://www.facebook.com/113420787193902/

ጉራጌ ዞን እኖር ወረዳ ብልፅግና ፓርቲ ፅ/ቤት, Enor, Dubai (2026)

07/10/2026

የማዕከላዊ ኢትዮጵያ ክልል መስተዳድር ምክር ቤት 47ኛ መደበኛ ስብሰባዉን እያካሄደ ነው

መስከረም 27/2019(ወልቂጤ)የማዕከላዊ ኢትዮጵያ ክልል መስተዳድር ምክር ቤት 47ኛ መደበኛ ስብሰባዉ በክልሉ በመቶ ቀናት እቅድ ላይ እየመከረ ነው

የማዕከላዊ ኢትዮጵያ ክልል ርዕሰ መስተዳድር የትምጌታ አስራት (ዶ/ር)በዚሁ ጊዜ እንደገለጹት የክልሉን ጸጋዎች መሰረት በማድረግ በላቀ ቁርጠኝነት ይሰራል ብለዋል።

አመራሩ ሁሉንም ስራዎች አቀናጅቶ በመስራት የላቀ ውጤት ማስመዝገብ ላይ ማተኮር አለበት ሲሉም ርዕሰ መስተዳድሩ አብራርተዋል።

የክልሉን እና የህዝቡን አንድነት በመጠበቅ፣በማጽናት እና በማላቅ ማሻገር ተገቢ መሆኑን ርዕሰ መስተዳድሩ አብራርተዋል።

አጠቃላይ የክልሉን ነባራዊ ሁኔታ የሚገልጽ የሁኔታ ትንተና ማካሄድ ተገቢ ስለመሆኑ የገለጹት ርዕሰ መስተዳድሩ በቀጣይ መቶ ቀናት ትኩረት በሚደረግባቸው አበይት ጉዳዮች ላይ የጋራ ተግባቦት መፍጠር የሚያስችል መድረክ መሆኑን አመላክተዋል።

በሁሉም ዘርፍ ውጤት ለማስመዝገብ አቅምን እና ትኩረትን በማሰባሰብ በቁርጠኝነት መስራት እንደሚገባም ርዕሰ መሰስተዳድሩ አጽንኦት ሰጥተዋል።

በሚቀጥሉት መቶ ቀናት ተግባራዊ የሚደረጉ ስራዎችን ለማሳካት ቅንጅታዊ አሰራር መፍጠር እንደሚገባም አብራርተዋል።

ጠንካራ የድጋፍና ክትትል ስርዓት በማጠናከር ተጨባጭ ውጤት እንዲመዘገብ መስራት ይገባል ሲሉም ጠቅሰዋል።

አመራሩ መላውን ሰራተኛ በማስተባበር ምቹ የስራ አካባቢ መፍጠር ይገባል ያሉት ርዕሰ መስተዳድሩ ለዚህም የሁሉንም አካላት የላቀ ጥረት እንደሚጠይቅም ተናግረዋል።

የስራ ባህል ለውጥ ማድረግ ለተጀመረው የብልጽግና ጉዞ ወሳኝ ስለመሆኑም አብራርተዋል።

#የክልሉ መንግስት ኮሙኒኬሽን ነው።

07/10/2026

መስከረም 27/2019 ዓ.ም

ለታዳጊ ሴት ተማሪዎች ምቹ የትምህርት ቤት አካባቢ ለመፍጠር የሁሉም ድጋፍና እገዛ አስፈላጊ መሆኑን ተገለጸ።

ይህንንም አስመልክቶ የእኖር ወረዳ ሴቶችና ህጻናት ጽ/ቤት፣የእኖር ወረዳ ብልጽግና ፓርቲ ጽ/ቤት የሴቶች ክንፍ ከሴቶች ማህበርና ፌደሬሽን ጋር በጋራ በመሆን ለ10 ትምህርት ቤቶች የኢኮኖሚ ችግር ላለባቸው ሴት ተማሪዎች የንጽህና መጠበቂያ ቁሳቁስ ድጋፍ አድርገዋል።

የወረዳው ሴቶችና ህጻናት ጽ/ቤት ኃላፊ ወ/ሮ ፋንቱ ደምስ በመርሀ - ግብሩ ላይ ተገኝተው እንደገለፁት ተቋሙ በተለያዩ ወቅቶች በርካታ የበጎ ፈቃድ ስራዎች ማከናወኑን ገልጸው አሁን ላይ ለሴት ተማሪዎች የንጽህና መጠበቂያ ድጋፍ መድረጉ ምቹ የትምህርት ቤት አካባቢ ለመፍጠር እንደሆነ ተናግረዋል።

ኃላፊዋ የሴት ልጅ ግርዛትና ያለእድሜ ጋብቻ በማስቆም ለታዳጊ ሴቶች የተሻለና ብሩህ የወደፊት አለም ለመፍጠር የሁሉም ርብርብ ያስፈልጋል ብለዋል።

ሴት ልጅ የኢትዮጲያ የነገ ተስፋ እንደመሆንዋ መጠን በማብቃት፣የሴት ልጅ ጥቃትን በመከላከልና ጉጂ ባህላዊ ልማዶችን በማስወገድ ሴቶች መድረሰ ያለባቸው ደረጃ እንዲደርሱ መስራት ይገባል ብለዋል።

በወረዳው ብልጽግና ፓርቲ ጽ/ቤት የሴቶች ክንፍ ኃላፊ ወ/ሪት መሰረት ሀይሌ በበኩላቸው ሴቶችን ማብቃትና መደገፍ የሚደገፍ ተግባርና ትውልድ የሚገነባ እንዲሁም ለሀገር ሁለንትናዊ እድገት ሚናው የጎላ በመሆኑ ተጠናክሮ ሊቀጥል ይገባል ብለዋል።

ኃላፊዋ አክለውም ሴቶችን የመደገፍና የማበረታታት ባህላችንን አሳድገን የሚፈልጉትን ቦታ እንዲደርሱ የሁላችንም ሀላፊነት ሊሆን ይገባል ሲሉ ጥሪያቸውን አቅርበዋል።

07/10/2026

የመደመር መንግስት እሳቤዎችን ለማሳካት የአመራሩ ትጋት፣ቁርጠኝነትና ውጤታማነት ይፈልጋል፦ዲላሞ ኦቶሬ(ዶ/ር)‎‎

መስከረም 27/2019‎‎(ወልቂጤ) በብልጽግና ፓርቲ የማዕከላዊ ኢትዮጵያ ክልል ቅ/ጽ/ቤት የተመደቡ አዲስ አመራሮች ከተቋሙ ማኔጀመንትና ጠቅላላ አመራር ጋር የተዋወቁ ሲሆን አዲስ የተመደቡት የቅ/ጽ/ቤቱ የፖለቲካና አቅም ግንባታ ዘርፍ ኃላፊ መሃመድ ኑርዬ (ዶ/ር) እና የአደረጃጀት ዘርፍ ኃላፊ አቶ ናስር ሀሰን ናቸው።

በመድረኩ የተገኙት በብልጽግና ፓርቲ የማዕከላዊ ኢትዮጵያ ክልል ቅ/ጽ/ቤት ኃላፊ ዶ/ር ዲላሞ ኦቶሬ የመደመር መንግስት እሳቤዎችን ለማሳካት የአመራሩ ትጋት፣ቁርጠኝነትና ውጤታማነት ይፈልጋል ብለዋል።‎‎

ብልጽግና ፓርቲን ወደፊት ለማራመድና የህዝቡን ተሳትፎና ተጠቃሚነት ለማረጋገጥ የአመራሩ ቁርጠኝነትና የየዕለት ጥረት ወሳኝ ስለመሆኑም አስታውቀዋል።‎‎

በተቋሙ ባለፉት ዓመታት ተግባራትን በመተጋገዝና በመረዳዳት ማከናወን ስለመቻሉም ያነሱት ዶክተር ዲላሞ፣ለተገኘው ስኬትና ውጤትም የተቋሙ አመራሮች ሚና ከፍተኛ እንደነበርም ገልጸዋል።‎‎

ይህ ቅንጅትና ትብብር በአዲስ ከተመደቡ አመራሮች ጋር ይበልጥ ተቀናጅቶ በመረባረብ ተደማሪ ስኬቶች ማስመዝገብ እንደሚገባም አሳስበዋል።‎‎

አክለውም አመራርነት ሂደትና የመማማር ኡደት መሆኑንም ገልጸው፣ሁላችንም እጅ ለእጅ ተያይዘን ለክልላችን ሁለንተናዊ ዕድገትና ለህዝባችን ዘላቂ ተጠቃሚነት እንረባረብ ብለዋል።‎‎

በመጨረሻም የቀደሞ የሁለቱም ዘርፍ አመራሮችን በተቋሙ ለተመዘገብው ስኬት ላበረከቱት አስተዋጽኦ አመስግነው አዲስ ለተመደቡ አመራሮች መልካም የሥራ ጊዜ እንዲሆንላቸው ተመኝተዋል። ‎

የክልሉ መንግስት ኮሙኒኬሽን

07/10/2026

"ኢትዮጵያንና የኢትዮጵያውያንን ሰላም መጠበቅ እንዲሁም ብልጽግናዋን መሻት የመንግሥት ብቻ ሳይሆን፣ የሁሉም ኢትዮጵያዊ ዜጋ የዕለት ተዕለት ኃላፊነት ነው።"

ፕሬዝዳንት ታየ አጽቀ ሥላሴ

06/10/2026

አስተማማኝ የባሕር በር መሻታችን በጋራ ጥቅም፤ ሰጥቶ በመቀበልና በሰላማዊ መንገድ እውን እንዲሆን ጥረት ይደረጋል።"

- ፕሬዚዳንት ታዬ አጽቀ ሥላሴ

05/10/2026

መስከረም 25/2019 ዓ.ም
=================
በ1ኛው ሩብ ዓመት የንቅናቄ አጀንዳዎች ላይ ህብረተሰቡን ተጠቃሚ ያደረጉ አበረታች የልማትና የመልካም አስተዳደር ተግባራት መከናወኑን የእኖር ወረዳ አስተዳደር ገለጸ።

የወረዳው የንቅናቄ ተቋማት አስፈጻሚ አካል የ2019 ዓ.ም 1ኛ ሩብ አመት የዕቅድ አፈጻጸም ሪፖርት አቅረበው አፈጻጸሙ ተገምግሟል።

የእኖር ወረዳ ዋና አስተዳዳሪ አቶ መብራቴ ተክሌ እንዳሉት ህብረተሰቡ የሚያነሳቸው የልማት ጥያቄዎች ደረጃ በደረጃ ምላሽ ለመስጠት የተጀማመሩ ተስፋ ሰጪ ተግባራት የበለጠ አጠናክሮ ማስቀጠል እንደሚገባ ጠቁሟል።

አቶ መብራቴ የንቅናቄ አጀንዳ ስራዎችን አፈጻጸማቸው በየቀኑ በመገምገም ከተለመደው አሰራር በመውጣት ከወቅቱ ጋር መፍጠን ይገባል ብለዋል።

በግብርናው ዘርፍ በተለይም የጤፍና የበቆሎ ምርት በተገቢው መሰብሰብና የኩታ ገጠም የመስኖ ስራ ላይ ትኩረት ሰጥቶ መስራት ያስፈልጋል ብለዋል።

ሌላው ለኩታ ገጠም የመስኖ ስራ ውጤታማነት ምቹ ሁኔታዎችና አካባቢዎች ላይ ትኩት ማድረግ እንዳለበት አመልክቷል።

የጥረት ገቢ አፈጻጸም ከፍ ለማድረግ ገቢ ከሚያስገኙ ተቋማትና ከሌሎችም ባለድርሻ አካላት ጋር መድረክ በመፈጠር ተግዳሮቶች ለይቶ በመገምገም ለተሻለ አፈጻጸም መስራት ይኖርብናል ብለዋል።

የጤና ስራ ውጤታማነት ለማሳደግ በተቆረቋሪነት መንፈስ ተቀናጅቶና አንድ ሆኖ መስራት አማራጭ የሌለው መሆኑንም አመላክተዋል።

የትምህርት ጥራት ለማምጣት በተለይም ከተማሪ ወላጅና ከትምህርት ባለድርሻ አካላት ጋር ሰፊ ውይይት ማድረግ ይገባልም ነው ያሉት።

በመድረኩ የተገኙት የእኖር ወረዳ የመንግስት ዋና ተጠሪ አቶ ሞሸዲን አህመድ እንደገለጹት በሩብ አመቱ ብዙ የንቅናቄ አጀንዳዎች ላይ አበረታች ተግባራት የተፈጸመ ቢሆንም ከህዝቡ የልማት ፍላጎት አኳያ ቀሪ ስራዎች ያሉ መሆኑን አመላክተዋል።

በሌማት ትሩፋትና በበጋ መስኖ ውጤታማ ስራ ለመስራት በወረዳው ያለውን የውሃ አማራጭና አቅም የሚመጥን ስራ መስራት ይገባል ብለዋል።

የጥረት ገቢ አፈጻጸም ከፍ በማድረግ የውስጥ አቅም ለማሳደግ በቅንጅትና በትኩረት መስራት እንዳለበት አፅንኦት ሰጥቷል።

እንደ ሀገር የትምህርት ስብራት ለመጠገን እየተደረገ ያለው ጥረት አጠናክሮ በማስቀጠል በተማሪዎች ውጤት ላይ ለውጥ ለማምጣት ባሉ ቀሪ ስራዎች ላይ ትኩረት አርጎ መስራት ይገባል ብለዋል።

የንቅናቄ ተቋማት ማንንም ሳይጠብቁ በእቅዳቸው መሰረት ተግባራትን ፈጥኖ ማከናወን ያለባቸው መሆኑን ጠቁመዋል።

የገጠርና የማዘጋጃ ከተማ የኮሪደር ስራ አሁንም ከማህበረሰባችን ጋር በመወያየት የበለጠ መስራት ይገባል ብለዋል።

የጤና ስራ የማህበረሰቡ የህይወት ጉዳይ በመሆኑ ያሉ ችግሮች በሚገባ በመገምገም የህዝቡን ተጠቃሚነት ማሳደግ ይገባል ብለዋል።

ሁሉም ተቋማት ያለው የሰው ሀይል በተገቢው በመጠቀም ጥሩ አፈጻጸም ላይ በመሆን ተመሳሳይ ደረጃ ላይ ለመገኘት መስራት ያለባቸው መሆኑን አስገንዝበዋል።

ዘገባው የወረዳው መ/ኮ/ጉ/ጽ/ቤት ነው

03/10/2026

የማዕከላዊ ኢትዮጵያ ክልል ህዝብ ተወካዮች ምክር ቤት የመንግስት ረዳት ተጠሪ ኃላፊዎችን ሰየመ

መስከረም 23፣ 2019 (ወልቂጤ) የማዕከላዊ ኢትዮጵያ ክልል ምክር ቤት 7ኛ ዙር መስራች ጉባኤውን በወልቂጤ ከተማ እያካሄደ ነው፡፡

ምክር ቤቱ በጉባዔው

1) ዶ/ር መሀመድ ኑርዬ የክልሉ ብልፅግና ፓርቲ ቅርንጫፍ ጽህፈት ቤት የፖለቲካና አቅም ግንባታ ዘርፍ ኃላፊና የመንግስት ረዳት ተጠሪ

2) አቶ ናስር ሀሰን የክልሉ ብልፅግና ፓርቲ ቅርንጫፍ ጽህፈት ቤት የአደረጃጀት ዘርፍ ኃላፊና የመንግስት ረዳት ተጠሪ ሆነው ተሰይመዋል

03/10/2026

ምክር ቤቱ ዲላሞ ኦቶሬ (ዶ/ር የክልሉ መንግስት ዋና ተጠሪ አድርጎ ሰየመ

መስከረም 23/2019(ወልቂጤ)የማዕከላዊ ኢትዮጵያ ክልል የህዝብ ተወካዮች ምክር ቤት 7ኛ ዙር መስራች ጉባኤውን በወልቂጤ ከተማ በማካሄድ ላይ ይገኛል፡፡

የማዕከላዊ ኢትዮጵያ ክልል ህዝብ ተወካዮች ምክር ቤት ዲላሞ ኦቶሬ (ዶ/ር የክልሉ መንግስት ዋና ተጠሪ አድርጎ ሾሟል።

ዶ/ር ዲላሞ ኦቶሬ በምክር ቤቱ ፊት ቀርበው ቃለ መሐላ በመፈጸም ስራ ጀምረዋል።

.
#የክልሉ የመንግስት ኮሚዩኒኬሽን ነው።

02/10/2026

ጠቅላይ ሚኒስትር ዐቢይ አሕመድ (ዶ/ር) ለኢሬቻ በዓል የእንኳን አደረሳችሁ መልዕክት አስተላለፉ

ጠቅላይ ሚኒስትር ዐቢይ አሕመድ (ዶ/ር) ለኢሬቻ በዓል ያስተላለፉት የእንኳን አደረሳችሁ መልዕክት ሙሉ ቃል እንደሚከተለው ቀርቧል፡-

ኢሬቻ ሰላም ነው! ገዳ ስልጣኔ ነው! የኢትዮጵያ ስልጣኔ አይቀሬ ነው!

እንኳን የክረምቱን አስቸጋሪ ወቅት በሰላም አሳልፋችሁ ለብሩሁ ብራ አደረሳችሁ። የክረምቱ ጨለማ አልፎ የብራዋ ጀንበር ስትወጣ ኦሮሞ በአንድነት ወጥቶ በባህሉ ስርዓት ወደ መልካ ይሄድና የክረምቱን ጨለማ ያሳለፈውን ፈጣሪውን ያመሰግናል። ለሚመጣውም ጊዜ ተስፋን ይሰንቃል። አባቶች "ማሬሆ" እናቶች ደግሞ "አራሮ" በማለት ለቸሩ አምላክ ምስጋና ያቀርባሉ። ወደ መልካው በመውረድም የምስጋና ስርዓቱን ያስጀምራሉ።

የክረምቱ ጨለማ በርካታ የማይመቹ ነገሮች አሉት። የሰውንና የእንስሳትን እንቅስቃሴ በመገደብ ያሰቡበት እንዳይደርሱ ያደርጋል። የክረምቱ ዶፍ ዝናብ፣ ጎርፉ፣ ጭቃውና አንሸራታቹ ድጥ ብራን በእጅጉ ተናፋቂ ያደርጋል። ለዘመናት የቆየው አብዛኛው የኢትዮጵያ የኢኮኖሚ እድገት፣ የፖለቲካ ባህርይና አስተዳደርን ከክረምቱ አስቸጋሪ ወቅት ጋር ማመሳሰል እንችላለን።

ኢትዮጵያ ትልቅ ሀገር ሆና ሳለች የስሟን ያክል መሆን ሳትችል ቆይታለች። በርካታ የተፈጥሮና ሰው ሰራሽ ሀብቶች እያሏት በዕውቀትና በስርዓት ስላልተመራ ብቻ ወደ ተጨባጭ አቅም መቀየር ባለመቻሏ የድህነት ተምሳሌነት ሆና ስትጠቀስ ኖራለች። የረጅም ዘመናት ሀገረ መንግስትነት ቢኖራትም የህዝብን ችግር የሚፈታና ሀገርን የሚያሻግር ዘመናዊ አስተዳደር ለመገንባት ግን ስትቸገር ቆይታለች። ከራሷ አልፎ አለም አቀፍ ተጽዕኖ ማሳደር የሚችል መልክዓ ምድራዊ አቀማመጥ ቢኖራትም አልተጠቀመችበትም። ከዚህ የተነሳ በእህል ጎተራ ላይ ተቀምጣ የምትራብ፣ ውሃ እያላት የምትጠማና እያለዉ ያጣ ህዝብ ሆነን ኖረናል።

የክረምቱ ጨለማ ማለፉ የተፈጥሮ ህግ ነው። የክረምቱ ዝናብ ሲያልፍ በጎ ነገርም ትቶ ይሄዳል። የዝናቡ ውሃ መሬት ውስጥ ዘልቆ አፈሩን አርሶ አዝርዕት ያበቅላል፤ የተዘራውን ዘር አብቅሎ እንዲያፈራ ያደርጋል፤ የብራውን አበባ አፍክቶ ተስፋን ያለመልማል። የብራው አበባ መዓዛው ያውዳል፤ ቀለሙም ይማርካል፤ የተዘራው ሰብልም በብራ ወቅት ፍሬው ይሞላል፤ ለዚህ ነው ኦሮሞ ለብራ ትልቅ ስፍራ ያለው።

ህዝባችን በትግሉ ያመጣው ለውጥም ከብራ ጋር ይመሳሰላል። ለኢትዮጵያ የሰነቅነው የብራ ራዕይ፡ ጠንካራ አንድነት ላይ የተመሠረተች ፣ ሉዓላዊነቷ የተከበረ፣ በስፋት የምታመርትና ማንኛውንም ዓይነት ፈተና የምትቋቋም ለአፍሪካ ግንባር ቀደም ተምሳሌት የሆነ ሀገር መገንባት ነው። ኢትዮጵያን ወደ ስልጣኔ የማሻገር ስትራቴጂያዊ እቅድ በተግባር ላይ እየዋለ ነው። በእቅዱ መሠረትም የለውጡ መንግስት የተፈጥሮና ሰው ሰራሽ ችግሮችን ወደ ዕድል እየቀየረ በማህበራዊ፣ በኢኮኖሚያዊና በፖለቲካው መስክ ታላላቅ ውጤቶችን እያስመዘገበ ነው። የታላቁ የኢትዮጵያ ህዳሴ ግድብ መጠናቀቅ፣ ሀገራዊ ምክክር በተሳካ ሁኔታ መከናወኑ፣ እንደ ማዳበሪያ ፋብሪካና የነዳጅ ፕሮጀክቶች እንዲሁም የቢሾፍቱ ዓለምአቀፍ አውሮፕላን ማረፊያ መጀመራቸው የስልጣኔ ጀንበር ለኢትዮጵያ ብቅ እያለች ለመሆኗ ጥቂት ማሳያዎች ናቸው።

የኦሮሞ ህዝብ ቋንቋውን፣ ባህሉንና እሴቱን ለማሳደግ ያነሣውን ጥያቄ ሙሉ በሙሉ ለመመለስ በባህል ልማት ረገድ የሆራ ፊንፊኔ ኢሬቻ ወደ መልካው ተመልሶ ስርዓት ውስጥ መግባቱ፤ የሆራ ሀርሰዴ ኢሬቻ ደግሞ በቢሾፍቱ ውብት ደምቆ ከፍ ብሎ መከበሩ ለዚህ ጥሩ ማሳያ ነው።

አሁን የምንገነባው ስልጣኔ በጥንታዊ እሴቶቻችን ላይ የተመሠረተ እንዲሆን በመደመር ፍልስፍና አቅደን ለጋራ እውቀት፣ የገዳና የሰፉ ትምህርት፣ ለጋራ ፍትህ ባህላዊ ሸንጎዎችን አቋቁመን፣ ለጋራ ልማት የዜግነት አገልግሎትን ዘርግተን፣ ለጋራ ደህንነት ደግሞ የስርዓቱን ጠባቂዎች አደራጅተን ስርዓት እየገነባን እንገኛለን።

ለኢትዮጵያ መውጣት የጀመረው ይህ የለውጥ ብርሃን በየትኛውም የክረምት ጨለማ፣ ዶፍና ጭቃ ተንሸራትቶ ሊደናቀፍ አይችልም። ፈተናዎች ግን አሁንም ይኖራሉ። እነዚህ ፈተናዎች ግን ከኢትዮጵያና ህዝቦቿ አቅም በታች ናቸው። የኢትዮጵያ ህዝብ አሁን አንድነቱን አጠናክሮ፣ ወንድማማችነትን አስፋፍቶ በፍቅር በመደመር የኢትዮጵያን ስልጣኔ እውን ለማድረግ እየተባበረ ይገኛል። እኛም በህዝብ ድምፅ እንደተመረጠ መንግስት ከእሴታችን በፈለቀው የመደመር እሳቤ ላይ ተመስርተን የኢትዮጵያን ስልጣኔ ዕውን ለማድረግ ተግተን በመስራት ላይ እንገኛለን። የአድዋ አባቶቻችንን ጀግንነት በማስቀጠል ኢትዮጵያን ከጠላት እየጠበቅን ነን። እነርሱ ባሰመሩልን ድንበር ውስጥ እኩልነት፣ ሰላምና ብልፅግና እንዲረጋገጥ በፅናት እየሠራን እንገኛለን። የገዳ ስርዓት እሴትን መነሻ በማድረግ የሀሳብ ልዩነትን በመደማመጥ ለማስተካከል ሀገራዊ ውይይት አድርገናል።

በሌላ በኩል ደግሞ “እኔ ስጋ ብቻ ልብላ፤ እንስሳዬ ግን እንዳይነካ” የሚል ጠላትና ባንዳ ፊት ቆመን የሀገራችንን ጥቅም እናስከብራለን። መንገድ ስተው ከሀገራቸው በተቃራኒ ለቆሙ ወንድሞቻችን ያለን መልእክት ኦሮሞ ‘ከሚያመሹበት የሚያድሩበት ቤት ይሻላል’ ብሎ እንደሚተርት አሁንም ፊታቸውን ወደ ሰላም ከመለሱ፤ የሰላም በር እንደተከፈተ ያለ መሆኑን ላረጋግጥላቸው እወዳለሁ።

ኦሮሞ በትግሉ ነፃ ወጥቷል። ከዚህ በኋላ በጠብመንጃ አፈሙዝና ከጠላት ጋራ በመወገን የሚመለስ የኦሮሞ ጥያቄ ፈፅሞ አይኖርም።
የተከበርከው ህዝባችን ሆይ፣

የኢሬቻን በዓል ስናከብር እንደ እሴቱ አንድነትን አጥብቀን፣ እጃችንን ለሰላምና ለዕርቅ ዘርግተን፣ ቀልባችንን ወደ ይቅርታ መልሰን ስላገኘነው ነገር ፈጣሪን እያመሰገንንና እየተንከባከብን ያጣነውን ደግሞ በትዕግስት በመጠበቅ፤ ልክ ትናንት ኦሮሞ በአባቶቹ ደምና አጥንት ኢትዮጵያን እንደገነባ፣ ዛሬም የኢትዮጵያን ስልጣኔ ዕውን ለማድረግ ባለን ዕውቀት፣ አቅምና ሀብት ሁሉ ከሌሎች ወንድም የኢትዮጵያ ብሔር፣ ብሔረሰቦችና ህዝቦች ጋር በመሆን በግንባር ቀደምነት ኢትዮጵያን እንድናፀና ጥሪዬን አቀርባለሁ!

ኢሬቻ ሰላም ነው! ገዳ ስልጣኔ ነው! የኢትዮጵያ ስልጣኔ አይቀሬ ነው!
ከለቻና ጫጩው የሰላም ይሁን!
ኢትዮጵያ በልጆቿ ጥረት ታፍራና ተከብራ ለዘላለም ትኑር!
ፈጣሪ ኢትዮጵያንና ህዝቦቿን ይባርክ!
መስከረም፣ 2019 ዓ.ም.

02/10/2026

የህዝብ ተወካዮች ምክር ቤት የህዝብን ድምጽ፣ ጥቅም እና ፍላጎት የሚያስተጋባ ቁልፍ ተቋም ነው :- ዲላሞ ኦቶሬ (ዶ/ር )

(ሆሳዕና፣መስከረም 22/2019)ለማዕከላዊ ኢትዮጵያ ክልል ህዝብ ተወካዮች ምክር ቤት ለብልጽግና ፓርቲ አባላት በአሰራር እና በስነ-ምግባር ደንብ ላይ ያተኮረ ስልጠና በወልቂጤ ከተማ እየተሰጠ ነው

በብልጽግና ፓርቲ የማዕከላዊ ኢትዮጵያ ክልል ቅርንጫፍ ጽ/ቤት ኃላፊ ዲላሞ ኦቶሬ (ዶ/ር )በስልጠና መድረኩ ላይ እንደገለጹት በክልሉ የተሰጠንን የህዝብ አደራ በብቃት መወጣት ይኖርብናል ብለዋል።

በሰባተኛው ጠቅላላ ምርጫ አሸናፊ እንድንሆን ህዝቡ ለሰጠን ይሁንታ ምስጋና ማቅረብ እወዳለሁ ብለዋል።

የህዝብ ተወካዮች ምክር ቤት የህዝብን ድምጽ፣ ጥቅም እና ፍላጎት የሚያስተጋባ ቁልፍ ተቋም መሆኑን ዶ/ር ዲላሞ አብራርተዋል።

የብልጽግና ፓርቲ አባላት የህዝብ ተወካይነት ኃላፊነታቸውን መነሻ በማድረግ የምክር ቤቱን ህጋዊ እና ተቋማዊ ሚና መረዳት እንደሚጠበቅባቸው ዶ/ር ዲላሞ አመላክተዋል።

የህዝብ ተወካይነት እና የፓርቲ ዲሲፕሊን አክብሮ መስራት አብይ ጉዳይ ስለመሆኑም አብራርተዋል።

የምክር ቤት አባላት ስራ ከመጀመራቸው በፊት ህጋዊ፣ተቋማዊ እና የህዝብ ተወካይነት ሚናቸውን በብቃት እንዲወጡ ለማስቻል የአቅም ግንባታ ስልጠና መስጠት አስፈላጊ ስለመሆኑም ዶ/ር ዲላሞ ጠቁመዋል።

በምክር ቤቱ ስራ የተሳትፎ፣የዲሲፕሊን እና የተጠያቂነት ባህል እንዲጠናከሩ ማገዝ እንደሚገባም ዶ/ር ዲላሞ ጠቅሰዋል።

በተስፋዬ መኮንን

ጉራጌ ዞን እኖር ወረዳ ብልፅግና ፓርቲ ፅ/ቤት

07/10/2026

07/10/2026

07/10/2026

07/10/2026

06/10/2026

05/10/2026

03/10/2026

03/10/2026

02/10/2026

02/10/2026

Address

Telephone

Website

Alerts

Shortcuts

Share

Listing takedown request